呢幾日又有難得一次既3日長假, o矣~終於有得去玩下啦~今日約左班舊同事食buffet, 有d成半年冇見啦, 有d就成年冇見啦~原來自己走左都差唔多有成年既日子啦, 時間過得真係好快呀~

大家既樣都冇咩點變, 話晒呢份都係我暫時做得最長既工^.^", 所以見返佢地都份外覺得親切呀~講起大家既近況, 讀書既就停緊課啦(我都想呀^-^)就快有出國機會啦, 同埋就快畢業啦~中心既就好快各散東西, 因為服務轉型而調去唔同既地方, 走個陣都知好快會出現咁既情況, 不過真係到呢刻時大家真係有d感慨呀, 希望佢地去到新既工作崗位都一樣做得開開心心啦~

不過從呢排陸陸續續見返以前一齊工作既舊同事, 聽佢地講返一d工作同人事既變動, 真係有d覺得自己都走得幾著時呀~好似今日見返d同事個份咁, 就算俾我當時真係應承返去做, 最終都係做得唔長啦~又好似上2份咁, 代我既個個同事已經俾人調左post啦, 個service既前景又唔明朗, 連d舊同事都話我走得o岩時候。不過我就覺得好似次次都唔可以同佢地一齊共渡時艱咁, 只係可以同富貴呀......其實而家做緊呢份都唔穩定, 應該都做唔長架啦, 希望到時仲有機會俾我搵到另一份想去做既工作啦~

今日收返以前出活動影落既相, 見返d會員真係覺得好親切呀, 尤其係見返我d至愛啦~其實呢份工都做得幾開心架, 同好多會員都係拎個心出o黎相處。不過有d已經唔係到啦, 聽到呢個消息都有d唔開心, 又開始有d內疚好耐冇返去探佢地啦, 仲記得走個陣自己仲有心會多d返去見下佢地, 但係自己又不斷俾藉口自己拖得就拖, 結果都只係返得一次咁大把, 原來有d野真係唔會等住你架, 今日想做既唔去做, 可能就冇機會再做啦, 要好好學習呢個課題~ "把握"