都好耐冇試過病到返唔到工啦~估唔到一病就大大鑊~~呢幾日真係好辛苦, 起初仲以為個人冇精神係唔夠訓啦, 手軟腳軟係海洋公園的後遺症啦, 喉嚨痛係睇完e神既副作用啦, 直到擒日朝起身覺得個頭勁痛, 聲又變埋, 個人又好滾喎, 已經心知不妙啦, 拿拿臨去見e生啦, 點知睇開個個又冇開喎, 惟有試個新啦。可能佢趕住收工啦, 竟然唔肯幫我探熱喎, 只係摸下我額頭話我有少少燒就算......, 我都已經好乖咁準時食藥架啦, 但都冇咩起色, 個人仲好滾個頭又好痛, d同事見到我咁都叫我拎返日假抖下啦, 唔好散播細菌咁話~

我諗住食左成日藥會好返d啦, 點知第2日一早起身隻腳好似唔係自己咁, 落床都冇力呀, 幾經辛苦落到床個人就見暈啦, 仲要係唔扶住野會跌低個種, 當時個心好驚呀, 心諗屋企一個人都冇, 暈低左點算呢, 想落街睇e生又唔夠力喎。攤左一陣覺得冇咁暈就睇返睇開個e生啦, 探完熱先知原來燒到102, 佢話我唔係感冒咁簡單, 係流感喎, 所以d燒一直都退唔到, 仲開夠2種退燒藥俾我, 叫我要抖2日唔好返工, 攪到好似好嚴重咁~ 我就好似報仇咁報咁, 日又訓夜又訓, 好彩d燒都退左啦, 不過聽日又要返3節lu~希望個病樣唔會嚇走d仔啦~haha

P.S. 病真係好辛苦呀, 呢排天氣成日轉大家都要小心身體呀, 仲要多謝你地既關心呀, 我會TAKE CARE架啦~