Yeah~星期日終於都去到沙洲啦, 一個我想去好耐既地方。點解想去其實我都唔知點講, 只係覺得一撻地方o係水漲個陣係會唔見左的話, 我可以o係佢水退個陣踩佢撻地好似好開心咁囉~不過去沙洲要自己租船至去到, 所以就拖到而家啦~

今次可以同班fds一齊出海真係好開心架, 多d人好玩d嘛~ 雖然好娘咁走去報local tour, 但佢都冇欺場呀, 搵左隻遊艇兜我地去玩, 咁大個人都係第一次坐遊艇咋, 雖然好拋但我都總算力保不嘔呀~ 近呢半年搭船既次數差唔多係我以往咁多年既總和呀, 所以已經訓練有素啦~^0^ 第一站係去馬灣, 同行的一個fd仲俾蚊咬到呀, 都唔知仲有冇登革熱tim架~ 跟住就去追踪白海豚啦, 對住個茫茫大海, 都真係幾考眼力架, 最後又俾我地睇到3條喎, 1大2細, ah領隊話上次帶2團都見唔到呀, 所以我地叫做好好彩架啦, 如果可以摸下佢地就好啦~haha~

下一站就係我此行既最大目的~~沙洲啦, 去到至知原來佢都幾大架, 仲冇人住tim, 初初以為冇得落沙堤都唔知幾灰呀, 因為條路俾政府封左, 好彩去到ah領隊帶我地擒落去行咋, 咁o岩遇著水退, 總算俾我踩到2條沙堤, 仲有相証tim, 真係好開心呀~ 可能呢到比較格攝啦, 除左有好多垃圾沖左上堤之外, 其他地方都好靚呀, 冇咩人工化既建築, 亦保持到大自然既風味呀~~如果可以留耐d就好啦, 希望下次再去個陣可以上去探埋粒珠啦~