今日我無去到遊行, 因為我需要留係中心維持服務
返到屋企, 睇返新聞, 都好慶幸報導都算詳細同正面
因為當我地爭取自身福利同公義的同時
都聽到好多聲音覺得我地貪錢
而唔明白政府削減對我地的資助唔止係影響我地人工
仲忽略左對社會服務所帶來的後果
今日政府可以對推行社會服務的撥款與同工唔作出承擔
他日的社會服務同民生福利會係點

並唔係眼紅公務員可以加薪
只要希望政府(我們的僱主)能正視我們的需要
社會大眾可以接納我們也有需要

當我們的工資為著於一筆過撥款但仍要維持同樣服務而被削減、
工時被加長的同時
卻未能夠令社會大眾明白我們的苦況
是意味著社會服務需要更快追上商品化的步伐
以自負盈虧為營運法則
以惡性競爭(同工不同酬)為營運手法
容讓價低者得以減輕營運資本
犧牲了服務質素及接觸服務對象的時間
或許
在減輕了社會責任後
這樣的社工生涯可以延長一點