今晚去左玩攀石, 玩完之後大家係到作究竟呢個活動有d咩sw element, 有個fd就話, 都算係一種AQ的挑戰~ 因為佢去到某個位既時候, 因為上極都上唔到, 試左好幾次之後就打算放棄啦, 但當佢聽到下面D人同佢講,仲有少少咋, 上多少少就到頂啦之後, 佢就覺得自己已經咁辛苦爬到呢個位, 實在唔應該就咁就放棄, 於是就試下再搵其他路上, 最終上到頂~~ 另一個fd都好有同感, 因為今次既時間關係, 佢係爬到一半放棄左之後, 就冇機會再試多次啦, 佢覺得好可惜, 如果自己堅持再上的話, 就唔會錯過左今次既機會啦~有時就係咁, 機會miss左未必會再返o黎, 亦唔知幾時會再返o黎~ 自己都係好易放棄既人, 睇o黎都要俾50雞做member, 參加下攀石小組會好d啦~~~

今晚係第3次去三家村, 夜晚既佢除左好多酒家之外, 其實都好靚, 好靜, 對住海, 天又夠闊, 樓好矮既, 望到個好大好圓既月光, 同埋好多星星, d街坊都悠悠閒閒咁, 真係好舒服, 一定要揀個天朗氣清既夜晚, 再去坐過~~