話說前晚忽然興起想整旦糕啦，
放左工就趕去買晒材料,
今次想試整士多巴梨朱屎cake,
因為睇到個hp個製成樣好似好靚咁~

其實由買材料到整既過程都有唔少阻滯架,
好似買唔到想買既cream啦, 攪拌機失0啦, 唔夠牛油啦......
但都總算叫做似樣呀~
點知差唔多去到最後階段試味個陣,
點解咁苦既???
苦中仲帶d咸tim,
先發現原來自己將粗鹽當左係糖.....
個刻真係灰到無話再講囉~

唔通真係要落返雙倍既糖去中和佢???
咁會唔會好怪味呢???
終於最後都忍痛倒左d料佢,
好肉痛呀, 今次都算係最成功一次架本來,
冇起到粒粒呀, d色又好靚喎,
但係餅底又整好左啦, d cream又打起埋,
冇理由唔理佢地架,
諗諗下諗住改整mo屎啦,
點知搵勻全屋都得5粒朱古力,
同幾包好立克粉喎,
咁惟有盡用啦,
點知第2日雪完之後我屋企人又話味道都幾ok喎,
仲有人話出面食唔到tim,
今次既烏龍事件都算提升左我解決問題的能力呢~~