女: "我尋晚發左個夢,好恐佈呀~"

男: "發左個咩夢咁恐佈呀? 夢見恐龍定疆屍呀?"

女: "我夢見你呀~"

男: "夢見我?"

女: "我成個星期無見你啦, 仲唔夠恐佈呀?"

男: "我而家咪同你用緊電腦傾緊計囉~"

女: "我而家係同你拍拖, 唔係同個mon拍拖呀~"

..............以下內容省略, 欲知詳情請收看麥當當ge最新外賣廣告...............

 新增link----->  http://www.youtube.com/watch?v=d5hyqsCOE8k

睇完個廣告..實在好down...

計計下...我成三個星期無見過你啦...

咁係咪可以用超級恐佈黎形容呢??!

飱飱同你傾電話..

你問我父親節幾多號? 我估你會係父親節返黎同你爸爸慶祝...

你又同我講...香港因為流感, 你表妹唔駛返學兩個星期, 你專登打比佢地問會唔會過黎澳門。我估你會因為佢地過黎澳門而返黎見下佢地...

其實, 你會唔會因為掛住我、又或者想見我而返黎呢?

啊, 每次我都叫自己唔好諗咁多, 又或者計咁多...

成時覺得自己都係咁小氣...

你係一個好ge男仔...因為你愛你的家庭...

其實我知道你會因為我的生日、我地ge紀念日或者其他值得慶祝ge日子而返黎..

所以我唔應該再對你有微言..

所以話...

我唔應該向你投訴任何野...

啊... 越壓抑, 心裏就越唔平衡

天蠍座的佔有慾係強架啦..

我已經收歛左好多..

我要求唔多啊..

只要一個星期見半晝已經如願足矣...

其實...

我唔想再同個電話拍拖啦...

我係好想同你拍拖啊...

你明唔明白啊?

發完一大輪勞騷..

舒服d啦...

你努力咁係大6搞你ge生意啦..

我應承過你唔會成時為左無得見你而向你發脾氣

而家好多時我都唔敢係你面前講話:

"我要你返黎", "我要見你", "我好掛住你" 諸如此類ge說話...

但係...

我個心真係好掛住你...

你會唔會知道? 會唔會明白?