我隻腳..依家好痛好痛..
雖然無脫走成塊甲..但係剪佐塊肉..
都係要包住..都係要著拖鞋><”
開頭個醫生好串..問長問短..
最後仲話”反正都2個星期,唔差在等多排啦”
叫我去換藥同埋開佐消炎藥比我食..
之後去到換藥個姑娘幫我洗傷口..
另外個醫生話不如剪佐佢啦..
如果唔係洗多2個星期傷口都無用..
個姑娘就問我點..如果整個醫生依家幫我整..
要我3聲之內答佢整定唔整..


我”可唔可以叫mami入黎呀?”
佢”你17歲啦,仲要mami”
我”咁整啦,咁痛唔痛嫁?”
佢”你唔好問咁多,有d野唔需要解釋太多”
我”但我好驚wor,真係好痛嫁?”
佢”你忍下啦,痛就緊係會痛啦”


個醫生見我咁怕死就叫個姑娘幫我噴佐d麻醉劑..
佢一直對住個傷口噴..痛到我已經喊佐出黎..
之後個醫生好快就剪佐..我咬實自己..
因為唔敢叫出黎比個姑娘話..wuwu..
始終都係要自己一個面對..好痛呀..
整完係咁流血..個姑娘好大力禁實哥到止血..
我終於忍唔住係咁叫痛..
之後醫生走佐..個姑娘話比我激死..haha..
最後佢問佐我一句”你第時點生仔呀?” =口=!


整完出去要單腳跳..出面個姑娘問我做咩仲嚴重過未睇..
當然啦..依家真係仲痛過之前呀..
今晚返唔到演藝..聽日同後日都冇得去街..
後日朝早要去換藥..希望快d好啦..
我有好多野想做呀＞＿＜！