10點幾晨咁早起左身，開始變身出去食早餐喇。我地去左碼頭邊既茶餐廳仔叫點心食，食完之後，大家就開始plan下午去邊度玩喇。阿古、阿威、sony，天耀、viola同汶仔就玩踢『蜆』，大佬同魚蛋就去左租單車踩。魚蛋咁大個人，終於可以一嘗踩單車既樂趣，不過要加附助碌。沿途讚嘆之聲響之不絕：
『哇~~~有附助碌架！』島上的遊客驚嘆地說。
『哇~~~你睇，呢個姐姐都要附助碌喎~~』島上的小女孩驕傲地說。
『啊~~~好痛~~好痛~~一定好痛~~~』島上的菲傭姐姐憐憫地說。
『……呀…，唔係（…破折號…）呀化~~~』島上踩緊單車既哥哥仔無奈地說。
自從魚蛋到過長洲踩單車之後，佢所帶俾島上既人的震憾力，絕對非筆墨所能形容…替村民所帶黎既陰影，比起有人燒炭有過之而無不及……
魚蛋呀魚蛋…快d學好佢啦，電單車無得加附助碌架小姐…

係當魚蛋佢地踩緊單車既同時，阿古不甘示弱，一踩屎以謝天下~
當佢地踼緊『蜆』時有人見到阿古隻腳有d異狀…
『喂，你隻腳上面黑色果d咩黎架？』
阿古話『唔知呀…』隨即起手係佢腳板上面掃幾掃…
隔左一陣…
『咦？阿古，點解你隻腳咁多烏蠅嬲既？』
當阿古睇清楚之後，原來自已除大腳踩屎…
阿古你要貼身感覺姐，唔洗赤腳踩屎嘛？又暖又濕既感覺你好耐無試過咩？
咁都唔洗用自已隻腳黎搞架……