天氣已經好熱，熱到唔想出街。

　　真係越黎越鍾意聽Rap，無論返工搭車，放工搭車，都一定要戴住headphone，

一路聽住，先覺得過癮，可能真係已經聽上癮。

　　成日都聽到Ｄ人會問，而家興咩髮型？而家興著乜野衫呀？我真係屌！咩髮型

都要睇下襯唔襯你個面型先得架，襯到你塊面，可能唔襯你個頭型！而家興乜你就

剪乜，呢種咪叫做「柒」囉！著乜野衫都係，要O岩你自己既身形，Style先得架

嘛！唔通你廋到成條柴咁又學人著鬆身衫褲呀？唔通肥到嘔泡，又走去學人玩Punk

LOOK呀？呢種咪叫衣不稱身囉！又係果個字，「柒」。

　　仲有，買衫買鞋買到個銀包冇乜銀就唔係幾好咁囉！所以我對於某些人成日

將呢個理論掛係個嘴邊就有少少反感，你講緊邊個呢？你自己，你朋友，定係？？

係咪每個人都好似你咁諗或者真係好似你講到咁樣呢？係咪每個人都會將佢副身家

擺哂落去衫褲鞋襪度呢？我諗未必囉！所以唔好以為人地買咁多鞋，買咁多衫，就

一定以為人地會一Ｑ清袋咁「苯撚柒柒」囉！純粹吹水，唔O岩聽，可以Skip左佢！

　　每個人做自己果行都可能會做得好掂．但係對於其他野係咪必未一定會咁熟悉

呢？唔好成日係度扮到張張刀都咁利，令人反感之餘，亦令人以為你自己係度踢緊

波，踢咩位呀你？「通天老倌」，荷蘭高古呀？自己知好！心照～

　　買衫，我負擔得起，買鞋，我都買得起，呢種消費我相信每個人都需要，唔好

野野都欏黎評擊人，你做到，有人做得比你更好，有好多野大家都唔知，都係靠估

估下，你知哂？唔通你係「先知」？狐狸既尾巴已經露出，看不看到，就全憑大家

既明亮眼睛！
　　
　　真小人，偽君子，二者選其一。