好耐都無黎過呢度寫野，突然之間覺得好陌生，其實一路以黎都好想寫野，

但奈何總係諗唔到寫乜野題材最好？

　今日，我想講下，七百幾蚊買一件猿人Tee既價值何來？當然，你可以大大聲，Face 2 Face咁同我講，我覺得值咪得囉！你理得人丫？當然，你買乜衫都唔到我去理，但係我有我既權力去評論，因為我用緊自己把口去評論，把口係我，我鍾意評論乜野都得，你亦都冇奶油阻止我用自己把口去評論你，所以批判行動係會永遠繼續。

　當我看過那件甚麼猿人Tee，我就立刻諗起旺角花園街的Copy，料又差，顏色又唔得，何來值七百幾？最大的原因，我諗係因為空運到港，因為坐過飛機，可以價錢上會貴成一大截！如果係咁，我寧願買本地薑，都唔幫襯佢地Lu！

　最近迷上了NB，一向以來，我對波鞋都冇仔細咁去研究，自從出黎做野之後，接觸得多後，才發覺波鞋原來也是一大學問，甚麼叫Zoom Air，Max Air，每個牌子也有不同名字的緩震系統，就連用甚麼物料，每一個部份對於用咩物料有咩幫助，也分得十分清楚，當然對於門外漢，可能這一切一切也並不重要，他們只要個款夠「潮」，夠HIT，就可以啦！老實說，我對1400並沒有甚麼好感，所以返行貨都唔會走去幫襯，暫時最想收購的只有999，996，同埋577。

　我近來的普通話的確進步了不少，可能每天也要接觸從國內來港的中國同胞，有陣時真係覺得似上堂多過返工，每日也有普通話堂，真係．．．．．．．．．

　下年二月就會去加拿大，對於將會離開這個生活了十多年的香港，真係有種很難形容既感覺，究竟我會去多久，我也不知道，可能很短，也有可能很長！