我由新年到而家都冇打過日記喇～成個月有多喇．．
因為新年開始真係好忙好忙啊．．．
主題宴啦～ｐｒｏｊｅｃｔ啦～功課啦～返工啦．．
真係搵日冇野做都難．．．
主題宴都算成功左．．ｄ客好滿意．．
阿ｓｉｒ都覺得做得好．．
輕鬆晒．．．之後都係做返ｄ功課．．
英文ｍｉｓｓ痴架．．
係咁叫人做．．點知又唔駛收．．食屎．．．
之後田雞份報告我組ｄ同學仔又唔理唔做．．
唉．．搞到我對佢地真係好失望．．
一次又一次咁利用我咁．．．好嬲．．．

情人節去左同ｄ同學仔ｂｂｑ．．．
之後又一齊行朗豪坊．．到夜晚阿文收工黎左大埔．．
同我食糖水同送花介子俾我．．．都幾感動既．．
可惜唔係真花ｊｅ．．．．哈．．．
另外我由２月２１號開始～
每逢星期一，三都要係金鐘上ｆｉｒｓｔ　ａｉｄ．．

而係３月２我就同文係埋一齊一年喇．．．
其實正式承認拍拖就唔係呢日既．．
不過阿文話由呢日計起．．咁我地就由３月２號算係開始啦．．
而３月２我仲同光參加歌唱比賽．．
激死．．死仔唔記得歌詞．．衰左．．哈
之後唱完比賽我同文去左紅螞蟻食飯．．．
因為我地第一次去食野就係個度喇．．．
希望同文可以一齊長長久久啦．．
其實我都認定架喇．．．因為近黎我覺得開始同佢心靈相通．．
哈哈．．幾搞笑．．．可能呢ｄ就係緣份喇．．．
３月４同楚去左睇娛樂大亨．．睇完個人好似傻左咁．．
間戲院睇到人好唔舒服．．真係以後都唔去旺角間百老匯～
我今年去日航酒店實習．．．間野都算係五星級架．．．
但因為我阿ｓｉｒ之前係個度做經理．．．
搞到我係個度做會好大壓力啊．．希望挨得住啦．．
３月十號學校搞招聘會．．我ｓｅｎｄ左三份求職喇～
希望讀完書就即刻有野做啦．．．
係呢日仲同ｄ同學仔影相．．
因為好大機會係最後一次咁整齊制服ｌｕ～～

３月１３日華記冇做喇．．．
呢間養大我地屋企人既鋪頭結業．．．
真係好唔捨得．．但而家起碼唔駛媽咪辛苦工作．．
咁都係件好事．．再見了【華記】

我黎緊既日子我都係返ｐａｒｔ　ｔｉｍｅ同溫書架喇．．
仲有搞實習d野．．．麻煩咯．－＿－

各位朋友仔．．我好想同你地去街啊．．
約好快ｄ話我知丫．．．
我留定時間同你地玩啊～～～～～～～～～～

又病左．．＞＿＜講唔到野．．．

個日記版可能遲ｄ我唔再打架喇．．
因為好似冇咩作用咁．．．－＿－．

ｐ．ｓ～張相咪咪係咪好可愛呢～
咪咪影完呢張相就跌親隻腳仔喇．．
好可憐．．．