由2005年開始，我就未打過我既日記ｌｕ．
因為我日日ｄ節目實在太精彩喇．．哈
好啦．．而家開始打返．．打返個１９歲前的日記先．．
首先由元旦一月一號講起啦．．
０５年既第一日我同文去左睇功夫．．係德福睇．．
我覺得麻麻地好睇．．．都唔明ｄ人點解講到咁好笑．．
之後睇完返左文屋企同佢家姐玩大富翁．．哈．．
２號．．好早起身啊．．因為去阿文表妹婚宴到觀禮．．
順手見下文既ｍｕｍ同埋ｄ親戚．．我覺得我自己著得好娘啊．．
算啦．．佢ｄ屋企人話我有福氣．．算讚我掛．．．－．－
之後係大會堂觀完禮．．就去富豪酒店飲茶．．
之後同班小朋友去左圖書館．．到４點我就自己返大埔．．
因為我應承左太和返工．．咁我７點半就去左返工啦．．
做婚宴．．全場酒水．．最搞笑竟然係婚禮到打架．．
見到個新娘喊得好勁．．真係慘．．唉．．．
３號．．文都係放假．．我返學．．
文等我放學之後去左葵芳食泡飯ｔｈｅｎ行街．．
４號．．放好早啊．．因為唔駛上夜晚．．
咁我就同ｄ同學仔同埋阿文去左唱ｋ喇．．
文足足連放４日假．．返到屋企先知媽咪入左醫院．．＞＿＜
５號返學考ｐｔｈ．．成日我都唔開心咁．．
因為ｍｕｍ入醫我好擔心啊．．
之後放左學我等埋文收工就去醫院探ｍｕｍ．．
佢好殘．．我見到真係好想喊出黎．．
但死忍囉．．之後ｄａｄ車我同文返屋企附近食飯．．
６號冇返上晝個堂．．因為去左接ｍｕｍ出院．．
之後３點半就返學校上廚房堂．．
７號文又放假．．不過我放左學去左會展返工．．
因為佢要幫朋友搬屋．．唔得閒陪我．．
８號．．我好好好興奮既一日．．
因為晏晝同完文去行街之後我就去左鴨利洲大姨屋企．．
我好多年冇見既阿姨可以俾我見返喇．．
我好恨見．．８年冇見喇．．我一直都好掛住佢地架．．
所以我開心到爆啊．．仲見到兩個表哥．．哈．．
我好似完全唔識佢地咁．．同佢地一齊打邊爐．．
好開心，，雖然睇得出ｍｕｍ係唔開心．．
但我都希望佢多ｄ搵人傾訴啊既．．
９號ｔｉｎｎｙ生日，１９歲喇佢．．
我地ｓｋｙｌｓｔ約左７點３係ｍ記門口等．．
咁晏晝３點幾我就同ｌｕｉ去左鑽石山買禮物俾ｔｉｎｎｙ．
好開心．．６個女仔一齊食煲仔飯．．
之後仲一齊影相同飲ｄ酒．．好開心啊．．．
１０號放左學就去左剪頭髮．．好慘．．
剪得好差．．激死我．．
之後返到屋企就打邊爐喇．．．
１１號放左學我返左屋企溫書．．
之後夜晚又打邊爐．．四日打３次邊爐．．好可怕啊．．．
１２號返學就測驗．．溫左個ｄ冇出過咁滯．．．－．－
放左學同ｃｅｃｉｌ，ｃ＋同謙一齊係旺中買背囊．．
因為用開個果個日返工整爛左．．
１３號返夜晚．．ｄ同學仔調左我去做ｈｅｌｐｅｒ．．
唔駛洗碗．．哈，，真係對我好．．
１４號晏晝去左食放題．．飽到死．．
不過以後都唔去大久保啊．．ｄ服務太差喇．．
放左學同ｃ＋行朗豪坊．．．
７點到等文放工又去食野．．飽到傻．．
１５號去左許願樹．．今次唔得啊．．＞＿＜衰左．．
夜晚我去左返會展．．見到古巨基啊．．哈．．
佢真人唱現場同ｃｄ真係冇乜分別．．勁．．
１６號溫左半日書．．之後夜晚同文佢去ｄ阿姨屋企食飯．．
佢阿姨屋企好正啊．．個ｖｉｅｗ又正．．好似好有錢咁．．－．－
１７號．．測驗啊．．又係唔識囉．．溫左個ｄ又冇出．．
唉．．晒我時間溫書．．．
１８號一返學上第一堂就話唔駛上．冇野教．．
之後又成班同學仔去左唱ｋ．．哈．．
夜晚上廚房堂都好開心啊．．整左好多好靚既餸食．．
１９號就約左楠食飯．．因為佢要過外國ｌｕ．．
希望佢一路順風．．學成歸來啦．．
２０號我就放左學．．７點半就去會展返工．．
１１點半先放工．．
睇黎我１８歲既最後時間都應該係３０７巴士度過喇．．
哈．．講真．．１８歲我都算過得好開心．．
起碼一切事情都好順利．．冇咩特別唔開心既事發生．．
而且ｄ心願好多都做到．．例如見得返珍姨啦．．
去到個好既地方實習．．見識到好多野．．．同ｄ朋友關係又好好啦．．
１８歲我冇浪費架．．真係好多謝多謝我身邊每一個錫我既朋友仔啦．．
多謝佢地令我覺得自己好幸福．．特別感激我男友偉文啦．．
我知佢唔會睇到呢個網既野架喇．．不過我都要多謝佢．．
咁錫我，咁就我，咁包容我．．哈
希望我大一年會生性ｄ．．激少ｄ佢啦．．哈哈．．
同埋希望１９歲我都一切咁順利．．咁開心啦．．
１９歲冇得再扮細ｌｕ．．好多野唔可以咁野蠻ｌｕ．．
哈．．真係唔想咁快就１８相送啊．．．
我未玩夠架．．＞＿＜

【讓我 歡送18 整個18 寫進日記簿
　即使以後很平凡 這一節亦美好

　來年你共我或會長得更高
　然而這段歲月青春不老

　有未曾遇上的 都有習慣了的
　來年你共我或者長得太高
　毋忘細望這絕版的海報…】