又過左３日ｌｕ～
９月９日係魚既１８歲生日～係度同佢講聲生日快樂先～
希望佢開開心心～升到中七～考好個ａ－ｌｅｖｅｌ啦～
至於我呢幾日都可算幾得閒．．但又唔悶喎～哈

９月８號～訓到成２點幾３點．．之後自己係大埔墟買野行街～
ｔｈｅｎ行左一陣就出沙田會阿文．．
同文行宜家．．我仲買左個香味蠟燭．．好正～雲尼拿味架！
之後又玩具反斗城幫我麻麻買呼拉圈～
佢見人地玩可以減到肥～佢又要我買俾佢喎．哈
我同文拎住個呼拉圈搭車返大埔．．
超樣衰．．哈哈～好後悔去到咁遠買．．
之後就返屋企～同屋企人食飯ｌｕ～
夜晚好無聊～我搵晒我房所有叮噹既野出黎影左張大合照．．
哈哈～原來單係我房都有好多叮噹野．．
仲未計廳個ｄ杯啊，圍裙啊等等既野．．
而且十居其九都係人地送俾我既．．．
睇黎呢幾年我都收左唔少禮物．．哈哈

９月９號～呢日應該係我有史以後搭最多次火車既一日～
我１１點就搭火車過長沙灣返學．．返學校買書同拎時間表～
我今年逢星期二，四放夜晚啊～其他日子都一般咁過啦～
搞掂左學校ｄ野我就同大君去五十嵐食飯．．
之後我就同大君一齊搭地鐵之後轉火車返大埔．．．
返到屋企．．玩左陣ｉｃｑ～就出門口ｌｕ～
出去同雪，麗婷，楚一齊搭火車出旺角買禮物俾阿魚．．
行左成兩個鐘都未搵到岩心水既野～
開頭諗住買袋．．但睇極都唔岩．．
最後就買左隻手錶．．希望魚鐘意啦～
之後又搭火車過沙田～同阿魚食飯＆影貼紙相～
９點幾鐘就６火車返屋企ｌｕ～～～
我一日總共搭左五次火車．．九鐵真係賺我唔少車錢咯～

９月１０～又係訓到成２點半．．．之後落鋪頭食野
ｔｈｅｎ就阿媽同我去買對皮鞋～安全鞋喎～成２００蚊．．－．－
買完我就返屋企．．之後我就自己出去諗住買冷衫．．．
但我行左成個鐘頭大埔都冇．．有既都係得藍色，灰色同紅色．．
之後我就行左去大中吉之島買零食．．．
自己一個人都行左成個幾鐘．．勁．．．
之後就返屋企食飯玩電腦．．．
咁就一日ｌｕ～