（１３號）呢日係朋友阿芷生日～１８歲女～
開開心心啦～～記得要換成人身份証啊～～哈哈
１２點幾馬會人事部打黎～話問我係咪ＩＮ電話投注
但佢話而家冇位～叫我ＩＮ票務助理～
我唔想做啊～雖然４４蚊個鐘～最後我推左～
佢話遲Ｄ電話投注個邊有位就覆返我喎～
之後我去左睇阿雪表演～約６點鐘出去～
去到彩虹我，魚，ｔｉｎｎｙ，喵就去搵地方食野～
個度條村好懷舊啊～７０年代ｆｅｅｌ咁～
之後我地去左大快活食野～食完野就向牛池灣文娛中心出發喇～
入到場～開頭我好心機聽架～頂～點知前面同後面ｄ人都勁嘈～
後面個兩個０靚妹嘈到我忍唔住叫佢地細聲ｄ～
中場之後我地就調左位坐～坐到好後～靜好多～
不過聽聽下好想訓．．．於是我就打機喇～哈哈
ｔｉｎｎｙ都訓下訓下咁～～得魚同喵好留心聽～哈～
完ｓｈｏｗ之後會埋阿雪一齊走～
之後我地約左楚同ｌｕｉ係大中一齊食糖水～
好開心～成班女仔一齊食糖水吹下水～好正～
講講下發覺我地有兩個ＣＡＭＰ添～仲排得好密～哈
之後傾到成１２點就散～因雪趕住去洗手間呢～
我地仲約左星期一去美食博覽呢～
又有集體活動ＬＵ～～好開心啊～
返屋企就睇奧運～睇到４點幾先訓．．．哈

（１４號）今日就訓到兩點半～之後就起身執野換衫返工ＬＵ～
我都係返５點鐘～尖咀ＭＡＭＭＡＭＩＡ啊～
今日係尾二個場～都係冇乜客啦～
我同個鬼佬傾左好耐計～估唔到我Ｄ英文突然咁ＴＡＬＫ得喎～哈哈
佢係ＳＣＭＰ既人黎架～佢黎香港公幹４星期喎～
佢仲話我係佢第一個接觸同佢傾計既香港人喎～哈哈
不過我好失敗啊～講得興奮得滯～搞到跌左兩０舊食物～
好彩個陣唔多客ＪＥ～唔太樣衰啦～哈
之後收工早左～可能今日多人返工啦～
收檔收得快好多～１０點鐘準時放工～
之後我四圍行左一陣等阿芷黎一齊搭２７１返大埔～
可能因為我地兩個都好累啦～所以我地係車度傾左一陣就訓覺ＬＵ～
一直訓到返大埔添～～哈哈～

咁快又過兩日ｌｕ～有野做既日子果然易過ｄ～哈哈～