又係時候打返篇週記喇～
今個星期都好精彩丫～日日都好好節目～～呵

（２３－２５）都係屋企發呆．．．．=.=

星期一（２６）因為阿楚要去灣仔交返ｄ野俾間餐廳～
咁我橫點得閒～咁我就出去同楚去書展～
我地去書展之前去左間茶餐廳食野～
點知去到書展～首先行ｈａｌｌ　１～
我地開頭都有認真去行～點知行行下～我地兩個就冇乜心機行～
其他人行ｄ攤位～我地兩個就行中間～都唔知做乜～哈
之後行完ｈａｌｌ　１～經過文做野既地方～
岩岩佢打俾我喎～咁我咪話俾佢知我同楚係佢門口囉～
點知佢叫我地入去食自助餐～哈哈～我就食甜品生果～
楚就係咁食意粉～食到我地兩個飽到死～
食完野我地又踏電梯上另外兩個ｈａｌｌ～
點知我見到ｄ舊同事～個個都係咁叫我食野～
哈哈～我拎左支Ｑｏｏ飲～
之後行多一陣又有同事整左杯鬼咁大杯既乳酪我食～
飽到想死啊～～哈哈～之後行個兩個ｈａｌｌ我同楚都冇乜心機行～
不過楚都買左本書同精品丫～
我就好似入去食野咁～～哈哈～行完之後我地就搭船過尖咀～
我地兩個係玩具反斗城行左好耐～咩都玩下～
哈哈～行到文收工我地陪佢食麥記～之後就返大埔ｌｕ～

星期二（２７）我去左唱ｋ～一打人去ｎｅｗａｙ　ｃｉｔｙ唱～
當然有有ｓｋｙｌｓｔ啦～仲有勢，
ｐａｔｒｉｃｋ，ｔｈｅｒ，ｄａｖｉｄ，文，德善～
好耐冇試過咁多人去唱ｋ　ｌｕ～～
好搞笑～雖然兩班人唔太熟悉～但都玩得埋一齊丫～正～
唱完ｋ行左一陣潮流特區～我地又去左食下午茶～
之後又去影貼紙相～勁搞笑～３０蚊個隻影得一張就玩完～
其他個ｄ張張都分得好少～～哈哈～～
之後我地又行左一陣就各散東西ｌｕ～
我同文行左一陣睇貓貓狗狗～之後又返大埔ｌｕ～

星期三（２８）我好早起左身～因為文打黎話咪咪有事～
叫我去藍田同佢家姐一齊帶咪咪睇醫生～
我想出門口個陣文又打黎話唔駛去～
之後去鋪頭食野～點知禮黎左大埔～
佢同我行左一陣大埔中心～之後就送我返屋企～
夜晚我同魚，ｔｉｎｎｙ同楚去左游水～
好好笑～好似盲人游水～個個都睇唔到路咁～
我同楚教魚同ｔｉｎｎｙ去游水～
佢兩個學得好搞笑～不過魚都學識左好多架喇～呵
游完之後我同ｔｉｎｎｙ楚去食野～
之後就返屋企ｌｕ～～～

星期四（２９）我一早１０點去九龍城～因為咪咪尋晚入左醫院～
咁我就好早出去會文同佢家姐一齊去睇咪咪～
咪咪有心臟病～以後都唔可以興奮開心～
因為下一次咪咪如果就事就可能就咁拜拜～
我見到咪咪個陣咪咪謝晒～平時好精神開心架～
好乖乖咁訓係佢家姐懷中～係搭的士個陣咪咪好似喊咁～
我地個個都知佢好辛苦～不過咪咪好硬正～死忍～
佢返到屋企仲試下自己行黎行去～不過佢行路都行唔到直線～
仲好耐都唔肯訓低～唔肯訓覺～但佢好嗲～要人陪住佢係身邊～
過左幾個鐘咪咪先肯訓低～我同文見到咁先安心訓左一陣～
訓醒文家姐整左野俾我地食～之後我地睇魔盜王～
睇完文就陪我去紅館睇ｓａｍｍｉ演唱會～
我同霞姐兩個睇～原先同埋文一齊睇架～
點知我姑姑個朋友將ｄ飛亂左～搞到買少左張～
個ｓｈｏｗ好正～好好笑～
ｓａｍｍｉ好靚女～仲好串咀添～哈哈～
最尾個陣個現場觀眾勁搞笑～成個ｓｈｏｗ都好正～呵呵

星期五（３０）想訓多陣都唔得～
因為我老豆１０點就叫醒我起身執野～
要收新床～～唉～我好唔鐘意張新床～好高～
我媽咪要我買高ｄ張床黎擺箱～＞＿＜
張床黎左之後仲要係咁執野～拖返乾淨ｄ地方～
搞左成日～散晒～～～

星期六（３１）訓到好晏～成３點先起身～
之後打左一陣機～就執屋～拖多次個廳～
到六點左右我發覺我小學同學碧瑩打俾我～
咁我就同左佢出去食糖水啦～傾左好耐計～食完就影貼紙相～
佢男朋友黎左接佢～咁我就自己行開左ｌｕ～
咁岩雪打俾我～搵我食飯～
咁我又自己一個係大中行左一個鐘等佢同楚出黎～
仲買左條褲添～之後我地係大中澳門街食飯～
食完野就行左一陣返屋企ｌｕ～
＾＾

ｐ．ｓ　雪～ｎｅｖｅｒ　ｍｉｎｄ啦～～哈
　　　　魚～唔好扮後生啦～差唔多之嘛．．