我又一星期冇寫日記喇～哈～
呢個星期文放大假～差唔多日日都陪我既～

星期二（２９）起身之後同阿芷去上海鋪食ｔｅａ～
我同佢都好耐冇見喇～
耐到都唔記得幾耐冇見添～我地傾計傾左差唔多一個鐘～好開心～
唔知幾時會再見呢～好掛住呢！
食完野我去搵文～文一早自己出左旺角買ｄ花花草草～
咁我食完野就去ｊｏｉｎ佢～之後我去藍田同咪咪玩～
咁就一日ｌｕ～

星期三（３０）好開心既一日～因為約左班朋友仔ｂｂｑ～
本身諗住去大尾督架～點知我出門口個陣落雨～
我地又驚打風～之後改去阿楚屋企燒～
我地個日有１１個人玩啊
除左２個男朋友之後～我地全部人都係以前２ａ班架！
好開心～我地諗返好多以前ｄ笑話～
勁開心～！！正！好期待下次再一班朋友去玩呀！

星期四（７月１）我訓到好晏啊～起身之後同左阿嫂去食ｔｅａ～
食完就即刻返左屋企ｌｕ～之後成日都係屋企過～

星期五（２）同文去左銅鑼灣唱ｋ～好抵呀！仲有好多野任食～抵呀
唱完ｋ我同文去左中央圖書館～之後借左幾本書～行左一陣
就返藍田等埋佢屋企人返一齊食飯～好無奈～
係佢屋企我同佢屋企人都係唔係好溝通到～唉．．．．．
食完飯我就自己返左大埔ｌｕ～

星期六（３）睇哈利波特優先場！好正呀！！好好睇！
之後同文又係四圍行～行完就返大埔食飯返屋企ｌｕ～

星期日（４）全日都係屋企～仲得閒到到整芒果布甸添～
好好食啊！～之後全日都係屋企阿呆．．．．．．．．．

星期一（５）３點同約左阿楚出去沙田～但佢遲少少先到～
咁我就自己係新達行左陣～撞到個小學同學傾左陣～
之後諗住返火車站個陣就遇到麗婷～佢自己一個行街～
咁我就叫埋佢一齊行沙田～我地３個行到差唔多７點就返屋企ｌｕ～

好平淡既一星期～～而係呢星期我覺得我男朋友對我冷淡左好多～
唔知係咪我太敏感定多心呢～
不過我唔諗喇～唔想去煩～順其自然啦～
同埋呢～呢星期我好想養貓～唔知我做唔做到呢！

ｐ．ｓ～我都唔知咩叫ｄｄ相！！ＸＤＤＤ