好難得幾日我就寫日記喇～因為呢排得閒ｄ嘛～應該係有功課唔做～哈

星期一～考煮野食～整楊州炒飯同埋清炒菜遠～好易ＪＥ～
不過今日好大頭蝦．唔記得左帶鎖匙呀！激死我～１１點左右就考晒～之後就去圖書館溫書～因為２點半要測ＡＣＣＯＵＮＴ同埋ＬＡＷ～
ＡＣＣＯＵＮＴ睇極都唔明～諗住死梗啦～點知好好彩～阿ＳＩＲ剩係考我唯一識個題～哈哈～考到３點左右就做晒～之後阿文黎接我～係旺角食完野就去藍田～之後就返大埔寶湖田舍食飯～好累既一日～

星期二～考西史會考～考之前個晚已經諗緊去唔去考好～最後都係去啦～識唔識都冇咩所謂喇～橫點俾左錢～冇理由唔去架～同麗婷一齊考～勁多唔識～哈～考完行左去太和撞到阿魚～佢地陪我係大家樂食野～好開心呀～我地３個仲係度ｐｌａｎ暑假既節目～講左都唔少架～唔知做唔做得到呢～如ｂｂｑ啦～去ｃａｍｐ啦～游水啦～等等～之後係太和撞返好多好耐冇見既朋友～之後１點半左右就陪阿魚去火炭見工～行左好耐搵間野～好累～～～之後等阿魚見完工～我同佢去左沙田行街買ｈｅａｄｐｈｏｎｅ～我地兩個好耐冇一齊去街ｌｕ～～～～～希望快ｄ大家都放假一齊去玩啦～

星期三～成１１點幾先起身～之後１點鐘去搭車返學～返到學校～２點半上堂～３點鐘我班先有其他同學出現～搞到係２點半至３點鐘呢後時間我勁無奈～
之後上堂我都好留心啊～因為阿ｓｉｒ講考試ｄ野嘛～放左學就返屋企沖涼執下野～等爸爸返黎就一家人出去打邊爐～爸爸今日生日啊～我之前買左個電話機殼俾佢～因為佢之前個果爛左～尋日我靜靜雞同佢換左～點知今日食飯講佢知佢先知喎～佢當係我送俾佢既生日禮物～哈哈～呢份禮物出手係咪輕左ｄ呢？哈～之後一家人傾下計～仲玩包剪ｘ食壽包添～搞笑～我哥哥話一年後可能有機會叫我去香格里拉日本餐廳做～但我同返阿文講～佢又想我讀多ｄ書～文又好想我讀ｈｄ～但我大哥又覺得讀得多出黎其實都係一樣～都係由低做起～搞到我又冇乜心上讀上去～寧願早ｄ出黎做野～唉～都唔知點抉擇～都係等一年後我讀完之再諗啦～～

ｐ．ｓ～ＣＭＡＮ～勁耐冇見喇～好鬼掛住你啊～你個兩日ｏｐｅｎ　ｄａｙ我都仲考緊試呀～我考到１０號～我諗我黎唔到架喇～你俾心機演出啊～祝你成功啦！