今日好累..尋日好夜先訓..好耐都冇試過成４點先訓ｌｕ～
訓到差唔多12點..霞姐打黎..話俾我知梅艷芳死左...
好突然..好驚..之後聽收音機...一路聽一路喊....
諗返好多野...發覺今年真係好多人死..好似好遠但又好近..
人真係好脆弱..所以呢..各位朋友..真係要珍惜眼前人呀...
1點半出左奧海城睇無間道終極無間....好正呀...
雖然睇之前好多朋友話俾我知唔好睇...
又話睇唔明....但我覺得好睇好明喎...難道我聰明左??哈
睇完戲將我尋日搞到好夜個條頸巾送俾個朋友..
送完之後..成個人鬆晒..終於今年應承過既野都做到d喇....
返到屋企..無聊之下開左呢個新聞台...
呢個新聞台我會將我既日記..相..有意思既文章放係度...
希望各位朋友得閒睇下啦～～～^^～
PS.. 期待好朋友們的佳音呀!!!!