上次番去 發現廣州的確某些情况的確系好左 起碼治安交通都好左.但發現少左d野-走鬼,以前系學校附近,大街小巷總會見到有d街頭小販.現在全部都系商鋪/小賣部,所有都規範化,城市靚左,但其實呢d所謂城市規劃美化嘅同時城官部門係度抹煞城市特色.

正如hugo上星期係節目度評論 當今廣州,以前8.9十年代嘅廣州,係全國唯一一個有消夜嘅城市,以前每晚8點以後城市會關燈關門,唯獨廣州街邊擺放一拍一拍嘅桌椅,大家做在路邊喝啤酒,吃消夜 聊天.但宜傢嘅廣州,真係消夜嘅地方已經唔多,大多數都因爲衛生原因被勒令關門停業,但睇睇東京,新加坡,馬來西亞呢d地方,任何一個地方都比廣州乾淨,但人地依然晚上消夜,晚晚咁火爆咁熱鬧.呢d先係城市,一個有d亂嘅地方先係一個城市,先有一個城市嘅特色!宜傢內陸好多城市都已經好過廣州啦,如果廣州連唯一”食在廣州”嘅招牌都保唔住嘅話就....”


今日再睇新聞,艾 270年歷史嘅天字碼頭 同 香港之前嘅皇后碼頭一樣 將被拆除,居然係爲左個亞運會!!!!!廣州嘅文化建築原來越少啦,之前上下九嘅電影院關門,睇到曾經興旺嘅革新路 因爲道路重建嘅拆除,清朝嘅大馬站書院變成一條特色小食嘅街道宜傢居然變成停車場 ,廣州究竟係要變成一個乾淨現代話嘅城市,定係要保佑城市特色文化嘅城市,可以combine一起嘛?


愛之深恨之切...