前幾天凌晨，我grandma因為肚瀉，半夜三更叫工人打俾我ar媽同老豆，佢地睇左我grandma之后，call左白車送左上山頂。逗留到朝早終於可以番屋企，當日我有去屋企探佢，順便幫佢整理d藥，見到佢真係成個人虛哂，講野都無咩氣咁，到佢今日打黎聽到佢把聲仲係咁，都有d擔心，但又做唔到d 咩。

係果日我幫佢整理佢成2大袋藥時，真係好誇張，成年唔攞藥都仲夠食，唔知佢唔記得食定點，積積埋埋咁多。我將佢食緊同未開ge藥都歸埋一齊再跟有效期分先後次序，計計下我諗都巿值皮幾。係我同佢寫有效期的時候，”11/2009”，寫完呢幾隻字，個心突然沉一沉，諗︰”唔知grandma可唔可以用到呢盒藥？”大吉利事，我當然希望佢可以活得更久，但係我亦都知佢年紀唔細，加上見佢病到無哂精神，真係有d 心嗡。

唉﹗唔該你聽聽話話，唔好再亂食野，我知你好想食d 味道重d ge食物，但係要適可而止呀﹗

整理前……一座山

整理后……