星戰絕地武士有Yoda大師
香港麻甩佬/仔既大師->黃霑,當之無愧\~


香港「笑爺」黃霑上禮拜仙逝，但係對於我o黎講，無乜大感覺。一o黎近年藝人死既死，走既走，「化」啦!老友。二o黎佢又唔係我年代，你話如果twins暴斃(大吉利是)就話震撼姐。睇電視見到d人去大球場追思會，又排晒隊，又爭本場刊，唉......唔好玩啦，香港人，又唔係排隊買波鞋，又唔係鬼節派米，去攪亂人地原本安安靜靜既party，有咩為?真係一班愚昧既羊群。我敢寫包單，個d鼓譟的人，身邊死左親人都無個時咁緊張，真抵死!

不過我都幾respect霑叔一樣野─不文文化。

近排o係雜誌睇到陶傑講黃霑，話佢係「不文化」既老屎忽，我同好認同。話說陶傑有次諗住刁難佢，問佢:「究竟賓州、撚、七、九有咩分別?」。黃霑妙語如珠，答佢:細路仔，成粒花生個d叫「賓州」；成年人正常狀態個d叫「撚」；應該硬既時候但係軟皮蛇個d，就叫「七」;唔應該扯既時候，佢「肅然起敬」，尷尷尬尬個d就叫做「九」嘩，大佬，我睇完呢個jj論，真係五體投地，直頭係真神阿拉現身!一語道破令困擾左我十幾年既問題。

不過，我都有一套女性版既jj論，可惜無得同「笑爺」交流o下，可惜、可惜‧‧‧‧‧‧

自認係不文既朋友，我地可以交流o下ga~哈!