有無試過10分鐘之內由屯門番天水圍?哈哈~呢d就係極速的士既厲害la~

我講緊本既極速的士係真實版本既泥猛的士,我諗唔駛explan 喇掛?

我係泥猛的既常客,因為死輕鐵12點幾就收檔,不過其實係仲有1架巴士
同小巴可以番「天水圍」。我強調係「天水圍」only─架巴士既總站o係泳池個邊(天慈),落左車我仲要行半個鐘先番到屋企-.-";小巴唔好得好多,成半個鐘(at least)先有一架,仲要成10個人爭2/3個位,憎多粥少,一埋站就好似烏蠅嬲...(自己聯想o下;p)。of coz,好似d師奶攝位既行為,我係不恥去做la。如果唔泥猛的,我呢d「夜遊人」深夜o係屯門唔通真係行路番歸咩?




我其實都幾like搭泥猛的,三個字:「平」一程10雞(搭架shit小巴同人迫都要成$7.5)、「快」係快到無倫(一陣講)、「激」絕對好玩過ocean park 過山車;)。等我講下我搭泥的既經驗比你聽聽la~

有次平安夜，我o係屯門門中心「上釣」(的士術語),個的士叔叔都係天水圍人,收更番歸。唔知係咪個的士叔叔掛住老婆定點,好澎湃!(講緊架的士,唔好誤會;p),已經有d瘋狂既感覺。我坐車頭(唔知點解多數都係坐車頭),一上車,連安全belt都未纜好,一踩油已經上到60km/h，跟著80km/h→100km/h→13xkm/h(上左公路),逢車過車,仲以為自己上左架GT-R,我瞄瞄個咪錶,呆左,然後就已經到左la....(上車時間3:12a.m,落車時間3:20a.m,8分鐘多d-.-")


又有一次,個的士哥哥入錯線(3條線,左邊轉左,中間直去,右邊轉右),本來應該係轉右,但係佢入左左邊個條線。藝高膽大既的士哥哥竟然倒車,然後用左4秒擰番去右邊條綠,但係過程中,我o係倒後鏡見到有架雙層ｂｕｓ駛緊過黎，準備入左邊條線...:o



你信唔信一間的的可以坐7個人?有次,上車個時得4條泥猛(我,後座4個),ok寬倘。點知去到石排,好鬼大貪既的士伯伯釣多一個,坐後面,中間仲會有一個「巨人」;p,迫到爆炸~,我坐前座,望望後面,心諗:「好在姐;)」,點知一轉番頭,架車又停低左,跟著的士伯伯同我講:「哥哥仔,幫幫忙坐埋d」我:「唔係掛!』:o,好愕然,兩條麻甩仔迫埋一齊,男男授援不親呀,該煨!(你話如果係美女就無所謂姐),當時宜頭好有個種運豬車既感覺...-.-"之後呢個的士伯伯就比我blacklist左....
(最抵死就係途中個的士伯伯仲要成個「潮州怒漢」咁,猛鬧前面架超載小巴:「咁x細間小巴就唔好x載咁多人la,慢x成咁,正x一廢鐵黎ga!」中間d助語詞當然唔出得la....都係自己聯想o下la)



所以話的士既日與夜,真係幾唔同。