好久無update la,唉!其實呢篇一早想出ga la,不過諗住睇一睇新一輯由阿sam美同高妹(哈!)小儀配音既先,點知同我expect既一樣._."

入番正題先,其實我覺得Q.E.係全世界麻甩仔+佬必睇既節目(型男就唔洗),因為佢可以令「土佬變型佬」、「戇佬變畢佬」，佢每一集都會將一條大麻甩，無論O係外型、社交、飲食、甚至屋企既設計O黎過720度大轉變,好鬼amazing~!

仲有佢地每一集都有一個mission 要完成,好似幫條麻甩proposes,幫老婆搞生日......(總之關女人事la)

咁套野有乜咁好睇先?

第一,風格大膽(可能因為美國佬)。見過阿JJ(人名,唔好諗邪野)拎住人地用過既假9黎玩。

第二,講野夠抵死,以阿Carson仔為首,窒人唔駛比錢;執人地屋企夠(愈來愈)瘋狂,o岩o岩出街呢集竟然將一張梳化由幾層樓度掉落街?!仲要樂在其中......

第三,基佬疑雲,由第一集睇度而家,都唔係好sure Fab5係唔咪真係'好'男人;除左Carson仔law,講野陰聲細氣,該煨!

第四,有葛爺同阿lo旁述。直頭黃金組合!葛爺成日爆肚(基本上係完全唔跟字幕),阿lo 轉數又快,成日接到。家陣森美同小儀就真係......唉!即時downgrade晒.....森美成日以為自己講野好笑(1d都唔好笑),小儀好鈍ar,字幕出左佢先講野......點攪ar?

而家仲好,聽英文旁述,學英文!

(逢星期日晚8:35-9:35-Sassoon Special: Queer Eye For The Straight Guy)