踏入左零八年有一新嘗試，
就是戴con，
這我戴左廿年左右眼鏡後一個突破性改變。

當第一天帶con返工，
學校裡的學生都覺得與平時的昌哥哥有不同的地方，
但他們無一個能講得出，
只有校長一見就知道我戴左con，
之後，返到中心工作時，
同事們的反應先最大，
她們會問”亞昌你受左什麼打擊呀？”.
“真係吾係好慣見你這個樣!”
“依….亞昌你今日唔同左喎!”
“哥哥….你唔戴眼鏡個樣唔錯！”
等等等等…

其實好多年前我都有打算轉戴con，
但有第一次戴con時足足用左我半個小時都戴唔到的慘痛經歷，
使我放棄了戴con這個念頭。
哈……在多年後的今日，
我又不知什麼神推鬼摃地，
戴con成為了今年的目標。

在這個戴con的經歷裡面，
我發現到自己有真實的一面顯露出來，
原來自己係一個仍然對事物認真的人，
也感受到自己能達成目標係可以使自己更有推動力的，
當一個人有目標時就有方向感，
這種感覺係好正同埋有安全感的。