早個幾星期前，
得知教會學生小組有一個聖誕晚會，
靈機一觸想帶班中級組去參加，
目的是想帶他們去參與多一點教會的活動，
因為我地話就話係基督少年軍，
但我地的分隊係無教會支援的，
而其他分隊起碼都有位全職的傳導人和教會做支援。

由於我地〈YMCA〉只是一間社會服務機構，
有信仰背景，
但無傳導人及無一間長期支援的教會，
所以我地每一個導師都兼任理傳導人的角色，
不斷去搵教會的活動去讓班仔能有機會參與當中。

剛接到漿姑的電話，
她表示當晚的活動參與人數太多，
如果加埋我地會好可能會好迫，
再加上這個活動由學生自發性舉行，
所邀請的新朋友都是學生自己網內的朋友，
所以我地參加會有小小格格一入咁。
事後我解釋原因及我來的目的後，
最後都讓我地參加。

另外，最令我感到可惜的是不能帶班BB仔每月參與一次學生小組，
理由是大部份學生小組的組員都是高中以上，
而我班BB大部份都是初中，
同時我又想帶住佢地返自己的教會，
好讓我自己日後去跟進佢地。
好可惜經漿故考慮後都未能達到共識，
讓我每個月一次帶班中級組到教會參與小組，
正正零八年要從新找教會，
還以為可以順利地帶佢地返自己教會，
可惜現在唔得了，
真的唔知點算，
前路有小小渺茫。

起初我預計就算教會未能有導師去跟進佢地，
總起碼有我可以跟進，
而我只是要求有個地可近中心及我又熟識的教會，
好讓我與他們一齊投入教會生活裡面。

其實，接掌隊長一職有大概三個多月了，
問題一個接一個，
挑戰一個又一個，
壓力也有增無減過咁。

我知道有好多野唔係自己可以掌握得到，
可能預期同結果唔相同，
但我都好希望盡量可以在自己可控制的範圍內，
將我的工作完成或做好d，
既然上帝比班仔比我去令佢地成長，
我都好希望可以培佢地一齊成長，
同樣地我在什麼地方成長，
都希望佢地同我一樣。

我知道應該重質唔重量的，
但我真的暫時沒有人可以幫到我，
我只係想帶佢地去到我一齊比較熟識的地方，
只係唔明白上帝你無為我開路，
無開路都唔緊要，
你指引下我該帶佢地去邊度好呢？
其實我只係一個月帶佢地去一次教會，
而現在去緊的實在太遠〈筷子基去下環街〉，
好順理成章緊係帶佢地去我自己教會，
而佢地之前去過都話唔錯，
又近而交通又方便，
而且人數又唔多，都係三至四個左右。

零八年啦！新的一年我想有新的開始，
所以我真想神你為我開路，
指引我該帶佢地去應為合適佢地的教會啦！