連續三的假期好快又過左啦！
不過這個假期放得好充實，而且過得好輕鬆，真係好耐都無試過咁無駒無束咁放假，仲係諗到做乜就做乜的假期。

假期的第一日，正正就係有band show的日子，我同豆丁去到睇左約一小時就離開，算係睇過和經驗過這類型咁重金屬音樂會，還記得好多年前在二浸的基督徒音樂會裡，聽到人生第一次重金屬音樂，初初都有點唔習慣，直到入左YM後接觸多左同認識多左，先開始無咁抗拒，而今次仲特登去聽添，感覺又其輕鬆同享受。

到第二日同第三日的晚上都同不同的朋友聊天，好開心而又好釋放，仲搵到個聊天好好的地方，這個時候才發覺，去到一個好好氣氛，再同一些朋友聊天，真是人生一大享受。

雖然這個假期無得去什麼地方短線旅行，這一點總會有點遺憾，但這三天的假期，可以做到咁多野，而且又可以同到朋友聊天，這種開心而又有小小缺憾的感覺，正正就是我一直都好認同的”缺憾美”

因為完美已無得再美，就只有缺憾美才會有得再美，仲係無止境地美下去。