現在差唔多三點多啦！
但仍然在工作中，
因為今個星期有一個講座，
想今晚完成個power point佢，
所以到現在都未做完，
無得訓。

今個月可謂忙忙忙，
今個星期又要講差不多六十人講座，
全部都係初中生，
雖然所講的題目對我黎話唔係好難〈談情說愛〉，
但短短的一個半小時裡要講，
我都有點身壓力，
但亦都係我的動力，
所以想個效果好d, 唔想d學生咁悶，
所以都要花點心思。

唔單只咁，
今個星期六及日要帶camp，
去大陸呀！
仲係要星期六一早出發，
最慘o的係星期日返來後又要開BB的會議，
問你死未！

其實我覺得好有挑戰性，
雖然有點辛苦，
但七八月裡我感到比返學校做社工時開心，
因為返中心工作話晒自己的地方，
唔駛返到學校寄人籬下的慘，
又要睇人面色及提高警覺。
雖然駐校的時間好好，
朝九晚五，
返中心的時間係一隻狗，
但我已適應了返中心的時間，
好開心，大家有講有笑，
仲可以聊天先。

我現在最希望的是可以快快在八月中完成晒手頭上的工作，
包括：八節教育套、四十個case跟進報告、
二個宿營二個露營、一個六十人的講座及一個嘉年華的場務工作等等。
完成晒後我就可以安心放假啦！^_^