跟往年一樣，
平安夜那天晚上有大三巴音樂晚會。

這個晚會自十月份開始就已經籌備，
經過三個幾月的籌備，
24號見到整個舞台能順利完成整個活動，
自己都有一點自感觸。

今年如往年一樣，
負責整個舞台的撘建，
由籌備及人手安排都是由我去負責，
當然，
我亦都有幾個好好的助手去協助我去完成這項工作，
我此我特別多謝Peter，亞康，將軍(恩臨教會)，亞基(恩臨教會)，
大隻健，亞可等等。
無左佢地義務幫手，
我忙我都唔能夠順利咁完成這項工作。

到25號，
一早要起身，
我真的不願意起，
原因是那天四點半才入睡，
八點就起身，
原因是那天早上有事奉(彈結他)。

那天真的好辛苦，
因為剛剛做苦力做到三點幾，
沖埋涼食完野才可以入睡，
轉眼間就要起身，
感覺就像閉眼一會就要張開咁，
發覺原來要起身啦....咁快咁o的....?
於是....
都係帶著非常非常疲累的身軀起身。

返到教會，
由於是第一次齊人夾歌，
所以我要擔當一個協調大家的角色，
目的是唔想將音樂攪到"炒埋一碟"的感覺，
很想用時簡單的，
做出最靚的音樂。

同時，
由於在音響控制與樂器上有些少變化，
負責的人要了解，
亦都要協調整個音響控制，
所以與負責控制音響的弟兄溝通。

完了崇拜之後，
要協助負責午餐的姊妹協調所有工作，
包括安排人手去佈置等等。

接著，
到今日聖誕part的最後環節，
我地展開一個紅白對戰，
分為弟兄小組及姊妹小組的表演，
當然我緊係有份去表演啦。
我地用話劇型式做了一個音樂劇，
當中我扮演一個黑社會大佬，
帶著兩個馬仔〈華D,bill〉，
故事中，我們一齊在一個巴士交通意外中死去，
去到一個黑暗的地方。
突然有一位天使問我們有什麼條件可以升天堂，
我們講我地有錢及有權力。
到最後我地係無條件地不可以升天堂，
於是.....
我立即由一個黑社會大佬，
戲劇性地變成了一隻魔鬼，
帶兩位馬仔到地獄去。
當經過一場又一場的單元劇之後，
最終只有兩個人可以升天堂，
原因是他們決志信主。
到了故事的結局，
我們用一個戲劇用的手法，
來結束我們的話劇，
就是原來這只是一班夢，
當一班在夢中被拉到地獄的朋友醒來時，
都發覺自己係需要決志信主的。

至於姊妹組方面，
用一個又唱歌又跳舞的方式來表達耶穌的出生，
不過過程裡面，
姊妹在表演時都忍唔住笑地表演，
所以出現很多笑蛋。

表演完了之後，
就到了成個活動的高峰，
就是禮物交換啦！

年年的交換禮物都出現一點混亂，
今年也一樣，
唔知道係唔係大家都無認真去諗過，
定話係我們太忙無時間去諗呢?
在混亂的過後，
見到終於可以完成了整個活動，
自己的身心靈都非常疲累，
我呆滯地坐在一角，
最後都帶著這個軀殼回家休息。

晩上我地又柴娃娃去食聖誕大餐，
食聖誕大餐是一件好平常的事，
誰不知我們一班大哥哥大姐姐，
竟然食飽飽無野做，
利用大會供給我們的彩帶及發聲物體，
我們有的範圍內搗亂，
雖然混亂，但我玩得非常盡興。
諗起o個時都覺得好開心，
同埋唔知道自己都控制唔到自己。

最後大餐之後，
我們又柴娃娃去到附近的吧尋歡作樂，
很奇妙，我們的話題都不是太多，
出現很多冷場的局面，
但不知不覺間，
當傾談到我老闆時，
大家顯得非常主動地去分享，
發覺到她真是一個"尖酸克薄"的老闆，
沒想到與她認識多年的朋友都咁樣話佢。

就咁樣我就開開心心咁渡過我的聖誕節了。

不過我今年好開心可以收到一份令我感到溫暖的禮物，
和一張鼓勵我而又好耐無收過的聖誕卡。
多謝晒！