番左黎都已經2個月

今日終於起手打番加拿大既野

我屋企位於中間, 距離學校唔算遠又唔算距咁la

因為calgary 既巴士係好準時

所以如果我係個戈時間上到車既話

基本半個鐘就番到學校 (包括轉車, 番學坐301, 72, 放學坐73, 301)

但可惜放學就要花1個鐘至1 個半鐘先番到去

因為每次我要由一部車轉另一部車個陣

一miss 左就要等20mins 先有另一部

到落左車又要行大概10mins 既路程先番到屋企

所以每日都基本要花3個鐘係坐車等車到

但我已經算係好好既一個la

其他人番學要坐2個鐘先番到

而我每朝基本都要6點左右就起身準備番學

因為我homestay 佢地每朝5點就要同囡囡出門口

所以夜晚6點幾7點佢地就會訓, 真係好早訓

如果我放學遲左少少番屋企既話

真係可以成日都見佢地唔到

雖然calgary 要成夜晚9點太陽先落山

但係其實一過6點打後成個城市都會好似死城咁

係downtown 入面想搵多個人都冇

更何況係住宅區

有時番屋企個陣都覺得幾恐怖下

成條街得自己一個行

開頭都會好唔習慣, 見個太陽仲未落山以為好似好早咁

但到落左山望一望個鐘原來已經10點幾

望出街一個人都冇, 車都冇多部

感覺好寂寞, 都唔似澳門11點幾仲人來人往

但亦因為咁

自己會不自覺都早左訓

同埋係呢到個人都會因為每日花時間等車,坐車,早起,行咁多路而覺得好累

我記得最早個陣係晚上8點就訓左

所以係加拿大個陣身體係最健康

早睡早起丫ma, 係澳門邊有可能早過11點訓先得

雖然我住左一個月

但只有開頭個幾日留係屋企既時間會比較多

之後基本就係放學有校外活動, 一係就同gina 行街shopping

而星期六同日就係學校既2日一夜trip, 同埋emil 帶我地出去玩

所以我花係屋企既時間真係少之又少

基本番到去食完野, 都會拿拿林去訓

不過homestay張床真係好舒服

但可惜我冇咩機會去回味個張床

因為每次一訓上去, 唔駛2mins 已經訓著左

係累到基本唔會再發夢, 由合埋眼到第2朝好似只有幾秒鐘時間我又要起身咁

鬧鐘一響, 又唔可以懶床, 因為一miss 左部車, 就會起碼遲一個鐘番到去上堂

中午又冇機會番去訓午覺

另外我真係覺得calgary 好適合想減肥既人

我係個到一個月既時間

跟本就可以數得出我食左幾多餐係有落油既餸菜

因為係個到基本三文治為主

肉最多都係d 火腿, 煙肉

所以3餐都係面包佢地都覺得冇問題

最緊要佢地既面包係粗麥整, 所以係好健康, 包你路路暢通

之後就係意粉個d

邊有澳門又豬頸肉, 雞扖, 牛肋骨咁滋味

同埋係冇3餸一湯既出現ga

想食就要去搵中國餐館到食

而飲品都係以果汁為主,

所以有時我地都會間唔中去食中國野, 個下真係幸福到爆

真係好味到丫不得了!!

但就真係唔會成日食, 中午都係帶飯or 三文治番學食

因為calgary 消費真係好貴, 做咩都要省住省住用

開頭真係完全唔習慣

突然間冇晒肉, 冇晒色彩繽紛既菜色, 冇左柴米油鹽醬油既味道

個人剎那變到好dry.........不停會想好想食好野

個胃好空虛既感覺成日出現

但之後慢慢習慣左之後, 腸胃都好左

個人漸漸瘦落黎, 真係好瘦, 個身多餘既肉都冇

瘦到差d 連我準備係Banquet dinner 到著既連身裙都掛唔係身

但反而面色比起係澳門個陣好得多, 身體亦有活力

之後番到澳門食野反而唔習慣呢到重味道, 重鍋氣, 多油多肉冇菜既菜色

食完反而腸胃會感到不適tim

所以我家下都唔會再大魚大肉, 食少少菜少少飯就已經飽了

呢到就係我homestay 既屋企la

一開門口入去~

一入門口左邊有一間房

亦係我暫時入住既房

因為個陣仲有2個students 係到

同埋佢地讀既係7月既course, 而我就讀8月

所以我等佢地走左我先搬到downstair既房到住

行上2樓望到既景, 不過其實2樓係host 佢地住, 我係唔方便行上去

因為基本我既活動範圍係一樓同地窖

所以我都係偷偷等佢地唔係到先影

一入門口到有個偏廳~

佢地天花板有個大玻璃, 平時天氣好個陣曬入黎既光線係好舒服ga!

一直望個到就係廚房la, 右邊就係食飯枱

呢邊就係主廳la

不過呢個屋係有好多玩具, 主要係公主同芭比, 城堡個d

基本所以玩具都係粉紅色tim

我真係羨慕囡囡有咁多款公主系統既玩具

呢間就係暫住既房...比較單調同簡單

但呢到就好熱lo

由暫住房望出去...

呢到就係我搬左去地窖住既房

我超鍾意呢到

感覺好舒服, 色調令我好放鬆

不過因為係地窖所以就好鬼凍, 次次都要著晒厚厚既外套同著襪先得

好似過冬咁 

右手邊係放衣服既地方

我特別鍾意呢part

因為唔係衣櫃既關係, 所以唔會有種硬木板冷清既感覺

反而用左好輕薄既布去作為櫃門, 令成間房都變得更加柔和舒服!!

 呢張就係我覺得好舒服而又冇時間回味既床la

真係好訓過我自己屋企個張

我去到一個星期後, 另一個黎自日本既學生Tomomi 就黎到一齊讀呢個course

因為地窖基本都已經算係我同Tomomi專用地方 (大家各自一房, 廁所共用)

而廁所2樓都有, host 佢地冇咩事都唔會落黎,

所以我擁有自己一間房一個空間, 做咩都好自由

真係好好丫~!!好enjoy 呢種生活~!

佢就係host 既囡囡 katie la, 都係可愛既長髮小女孩丫~

我成日都同佢玩, 佢真係好搞笑

呢張就係我8月份坐車既bus pass la!~! lo 住佢坐巴士又得, 坐train 又得

不過就真係貴lo, $83 canadian dollar, 換番要成$581 港幣一張