仲記得平安夜個陣心心一早過黎搵我

我地去左影貼樂園到一齊影左屬於我地12月24日既貼紙相

接著我地就去沙利文餐廳到食飯

叫左都幾多野食

半隻葡國雞, 蝦多士, 沙利文炒飯, 牛肋骨, 一個羅宋湯同埋一杯紅豆冰

沙利文都叫做有名既餐廳丫....但可惜佢對紅豆冰既製作就唔係咁重視

呢杯亦係我飲過最難飲既紅豆冰

佢一攞到出黎我只係見到少少奶係底

再一層紅豆, 最頂就係一大粒冰

連糖漿都冇.....可叫做一點點水份都冇

我飲左2啖........感覺就係淡而無味...............

只有淡淡既冰塊溶水既味道..........太失望了.......

最後我就放棄左佢....佢自己就慢慢由冰溶到有水浸過d 紅豆

而其他野食都算ok la...

牛肋骨好香酒味......而其他野食就有d 鹹....食完餐飯就好想飲水

雖然我地次次話唔好叫咁多野食

因為我地知道自己一定食唔晒

但可惜我地每次都係眼闊肚窄

所以到最後我地就打包左個飯走人~~唔想浪費ma~

我地食完飯之後就搵埋其他人一齊係噴水池睇下燈色咁

之後我地成班就去左威尼斯到行下逛下咁享受呢個平安夜~~