2/28/11

我上妳facebook既時間仲多過上自己facebook。好想第一時間知道妳最新既近況，去邊度食野，同咩人食，去邊度 wet，同咩人跳舞飲酒，我咩都想知。

3/3/11

今年既加人工同Bonus都好寂寞啊，連慶祝都冇。終於明白以前日番工夜番工，搵到少少錢同妳去玩去食野係幾咁開心既事。 ^____^

3/6/11

我後悔冇好好同妳過每一天。

3/8/11

開始覺得原來我地分開，對妳影響都唔係咁大，妳依然都係忙讀書，有時間就同朋友去食飯，大把friends陪妳。我反而覺得我過去同妳一齊，阻住妳真真正正享受college 既生活。妳比任何人都鍾意識新朋友，盡情去放縱自己，但妳同我果兩年半，我就用條繩縍住妳，唔比妳去呢度果度，妳放假都唔比妳同朋友去跳舞。妳同我一齊根本冇自由，妳只不過努力嘗試咁遷就我反而宜家既妳終於可以做番阿Chit.希望妳努力麻醉自己。

3/9/11

今日知道妳連個tiramisu 掂都冇掂過，妳唔係唔捨得食，妳係根本唔記得左佢，真係好失落。呢樣係我最後送比妳既野，妳都唔好好珍惜，咁我真係冇說話好講喇。

我覺得同妳係埋咁耐，除左一ｄ國語都學唔好之外，最遺憾就係我好似改變唔到妳唔識管理身邊既資源既性格。妳唔識管理妳既金錢，例如妳買野唔會格價，又唔會搵coupon,既然係Nordstrom用三十幾蚊買個頭ｃｏｏｌ？妳有冇讀過咩叫物價呀？妳呢種人真係太幸福，屋企家底好，但仲唔認屋企有錢，咁幾百萬住公屋果ｄ叫咩呀？乞衣呀！！？？妳又唔識管理妳既時間，我同妳係埋一齊咁耐，Last minute 既例子真係多到數唔晒。

3/1０/11

今日又得閒玩下個Apple TV，睇番好多好多以前我地ｄ舊相，真係好感觸。每一張相都有一個故事，好想好想重拾番以前同妳一齊係埋一齊既日子。多謝妳第一個情人節送給我的小相機。我好希望妳睇番ｄ相都係充滿快樂，唔好記住妳自己有咩做得唔夠好，講真我地大家曾經深愛過，為左一兩件小事嗌交，唔算多。我知我發火果時好得人驚，由其係指住妳罵，講埋粗口，妳都忍左我唔少，點解我改極都改唔到我ｄ壞脾氣既？

3/11/11

點解妳要帶比我咁多痛苦。對不起呢排成日發妳脾氣。

3/12/11

知道妳考Final,好想第一時間衝去買杯珍珠奶茶比妳飲。仲記得有一次，我買左兩杯但係去到Library搵妳唔到，結果要call妳，真係冇晒驚喜。

3/13/11

以前好想好想放假陪妳玩，但係就偏偏成日要番工。今日唔駛番工，但身邊又少左妳，ｄ時間真係好悶，多到用唔晒。由其係食完飯個個要走時得番我一個人，我特別想妳。

思想你　思想從前相戀的趣味
夢你走進我夢親暱一再提起
只得你　使我忘形瘋戀不顧忌
令我愛笑愛哭太迷離
沒法可以說道理

無從解釋怎麼要別離
剩我孤單的一人做戲
仍思想你　猜想你　再與我一起
原來癡心不會有限期
奉上一生只因懷念你
在每個晚上算歸期
只因你　在我心　依然美

我真的要大哭一場了，太想妳了。５５５５５　T_T

3/15/11

哎呀，妳岩岩打比我話妳心口好痛，我真係好想呢一刻可以係妳身邊邊妳掃掃背，初初心口，知道妳病，好想煮ｄ熱辣辣既野比妳食。好後悔…以前妳病果時冇好好照顧過妳，我知妳有時會腰痛，塞頭哥痛，口嚨痛，真係冇好好關心妳，冇比足夠既愛妳…我時時係度諗，點解我地果時冇好好真正了解對方既需要。可能真係溝通唔夠，呢一刻真係先知道兩個人有足夠既傾計時間有幾咁重要。我曾經講過N次話要一星期邊幾晚臨訓前要同妳傾計。…好可惜到最後總係做唔到。L

3/18/11

知道妳考TAX考得唔好，大病影響妳既發揮，仲可能會 比professor無情地扣分，我到替妳難過。其實我知道妳一病時，我就擔心妳會有呢一日，因為我知道妳一定唔會點訓，搏晒老命咁cher,妳一定會挨唔住，，，可惜忠言逆耳，我叫妳及早睇醫生妳又唔聽我講，其實妳有時聽下我既意見咪好lor,妳以前將妳既自尊放到好高好高，唔緊要，我一定會讓妳。但係妳宜家仲為咩只顧妳既自尊心而唔聽下我既意見呢？係咪時候反省下，妳真係高估左妳既免疫系統同集中力？唔緊要啦，希望妳今次真係吸收教訓，仲有兩個quarters 加上妳漫漫既人生，有時聽下人地既意見可能獲益良多，係時候放低自己啦，有時妳身邊既人比妳仲了解妳自己。希望妳認認真真諗番呢兩年或者最近我對妳有咩批評，努力改善自己同接納人地（由其係好朋友）對妳既批評啦，講咁多都係想妳好jer. 希望妳係Cancun 玩得開心啦。