近排merchan.team同事個個都700前走, 唔係peak season冇乜嘢做好唔慣.

星期五就同ztampz同事去咗OUTBACK食din. 有晚放工同Ivan一齊走, 佢話而家去OUTBACK食飯可以慳番啲, 因為唔唔駛俾埋女朋友嗰份, 我心諗...點解唔AA啫?!

全merchan. team加埋Stella共8人食飯, 燒牛肉, 牛排, 肉眼, ribs, 蟹腳, 意粉, 芝士薯條, 洋蔥圈, 炸蘑菇...食到顛咗. 我呢啲坐邊邊位好難夾嘢食, 好彩有Ivan幫我, 但佢一嚟就玩嘢, 叉舊蘑菇作勢餵我食, 嚇到我不知所措. Jerry又唔知點解喺阿Ming面前咁怕醜. 佢地好衰, 係咁講有鬼, 我地而家落咗order俾兩位男同事, 我地未放工佢地都唔駛旨意走, 要送到落樓下. 大家坐到成12點先走, 一個人搭車都有啲心慌慌, 我真係好細膽架~

跟住星期六放工之後同臻臻, 菠菜, 阿Yan去Panash食lunch, 見到啲麵包真係想試勻晒. 約咗丹丹3點幾返Poly影相. 之前outlook度我都係好突然先知影grad相, 臻臻仲好驚話自己冇化妝, 我隨身都冇工具執個樣添~ 搭的士喺噴泉落, 唔知邊個傻婆話咁多人, 唓, 我地上年都係咁啦! 唉~咁快又一年咯

影完相就行吓街, 順便睇吓有咩啱阿Klimtt. 我地喺JC SHOP見到個修剪鼻毛器, 大家都覺得好啱佢. 同臻臻個friend形容阿Klimtt個樣, 係漢堡神偷或盧David, 可以即刻諗到佢個樣. 原本去"豐"食日本嘢, full晒; 再去新開元, 執咗, 新嘅京川滬又未開張; 跟住去ashley rd間上樓日本菜, 要等20分鐘, 唔好玩啦, 我地行到好攰喇; 再去大阪, 又要等; 喺冇晒選擇嘅情況下, 逼住入"漁民". 平就平, 不過味道就...

食完菠菜就去Francis竹戰, 我地就去duty free試香水, 咩騎呢味都試勻咁滯. 但都仲未睇啱禮物俾阿Klimtt.

行到11點幾到我行到差唔多到巴士站, 林全先打嚟話去睇戲, 2350喎, 我都番到屋企咯, 同埋晏晝影相都影到好攰, 我驚睇到瞓著.

今日同爸爸家姐飲茶, 我俾錢爸爸好開心. 是但啦, 見咁耐冇請屋企人食飯. 6點幾同家姐落咗馬鞍山體育館打羽毛球, 我地簡直係零進取, 又唔追波, 剩係識得笑, 咁都打咗1個鐘. 打完之後我同家姐講

"唔, 1個鐘啱啱好, 我好滿意", 家姐都話
"me too~"

我而家最驚都係聽日會局部肌肉痠痛~