我又上咗深圳喇~

今日係本星期內, 第2次fty visit, 晨咁早起身, 8點要去到羅湖, 不過有專車接送, 都喺車上瞓咗成粒鐘, 幫補番少少早起嘅時間(其實前一晚我十點幾已經瞓咗)

呢次有Patti, Phoebe, 媽媽同我. 大公司果然唔同啲, 好多都係香港同胞嚟嘅. 睇咗好多嘢, 啲工人織, 挑, 勾, 繡都好掂, 開咗一陣會, 都冇乜大問題吖, 我跟得咁好!

原本12點幾就搭車番香港office, 跟住師傅又提議去埋睇人地做印花, 咁就坐一個鐘頭車去食lunch兼參觀. 前日去嗰間酒家已經好豪架啦, 今次去仲不得了, 係有亭台樓閣小橋流水, 又同咗幾個大老闆食, 而家啲人食得好講究, 講真, 我地平時都係食吓飯盒咋~

去咗間印花廠, 顛架, 間廠裝修得有主題, 幾摩登幾ok架~ 見住人地點印嘢, 平時聽就聽得多, 真係要睇過先知咩回事.

今日因為早番到香港(5點半咋~), 我都喺沙田行咗陣先番屋企