今朝零晨一點幾
去到台北間酒店，
朝早四點要撺身返香鍮，
加埋都訓唔夠三個鐘..

唔好話我地呢行舒服，
多假期又點..?
有時咁飛法都咪話唔辛苦..

不過呢..
今日都係好開心既！
朝早返到HK訓到下晝，
跟住就同經理去行街街，
去左我最鐘意既Starbucks
飲Latte同食Cheesecake！Yeah~~

途中竟然撞到以前學校
既一pair恩愛情侶(同學仔)...散左！
皆因女既好似已經拖住
另一個男仔..
(真可惜..)

今日好開心呀~~~
勤仔同表哥黎我屋企拜年！
媽咪仲整左佢最拿手既
羊扒比大家食~
我地有傾有講有笑好開心！
幾個大細佬依然同以前一樣無變，
都係乜都笑一餐，玩一餐！
我同勤仔中四識到而家，
呢份友誼真係好難得..^^

今日仲有另一個好消息！
就係我6/2終於同人調到
班去Vancouver既機啦！
開心係因為我既好好好朋友
將會坐呢班機過去玩..
而我當然希望可以operate
呢班機過去啦...
沿途又可以照顧佢地..
真係好...^^heehee..