"羅馬"~~~
做左廿幾年人都冇諗過自己會有機會去...^^

我上個月尾由HK行左14個鐘頭去到Rome，
仲撞返同我一齊去Amsterdem既呀頭！
佢好錫我呀！仲想介紹份好工比我Mummy做，
真係好好人...係馬來西亞人黎ga!^^
機上有一對廿幾歲既HK情侶，
幾羨慕佢地去羅馬拍拖呀..真幸福...

朝早七點幾到，一落機凍到傻左..
個機場好簡陋，之後坐crew bus返酒店，
幸運地約左個J class既crew(Alice)一齊出去玩，
佢之前黎過，好好人咁肯做導遊帶我呢兩日周圍去！

訓到一點鐘坐車出去，
Alice帶左我去一間好好味既餐廳食lunch，
我地呢兩日都係食意粉同Pizza，
但真係好好味...
原來Italy整既意粉同我係HK食既好唔同ga!
其實我係HK真係唔鐘意食意粉，
但去到Rome食既意粉真係好唔同！
口感同味道都正好多！
意粉煙煙奀奀，調味醬汁又香又濃..
我食左好多呀...

食完就當然周圍去遊覽，
去左D好有名既Museum參觀，
佢地既Art同Culture都好靚..
所有building都建築得宏偉，
當你真係企係成座building前面時，
你就會feel到以前D人真係好叻好勁...
唔明點解佢地可以build到成棟野出黎~~

做企係"鬥獸場"出面，
令我幻想唔少以前人戰打鬥娛樂大眾
既片段...因為時間關係，我冇入到去，
但都感受到以前殘忍既氣氛...

我都去左梵帝崗既"聖彼德大教堂"，
真係好大好宏偉...
入到去簡直覺得返返去
唔知幾多世紀既時代，
壁畫同各類手工造成既物品
都非常精細同迫真！

不過我最驚就係放係大壁畫下面既
玻璃棺材...
裡面係放左歷年來教宗
既遺體，距離都算接近..
但係我唔明點解呢D神聖既野
都可以比遊客任影唔嬲...
個個用閃光燈係咁影！
我個人覺得好唔尊重lor!!
我影左幾張壁畫，但冇影到佢地既遺體，
雖然好似有d可惜，但我真係覺得好唔
respect呢D死左既先人...
影左又點..?死屍好好睇咩?!
我覺得應該係心裡面懷念，
有心睇既就親身黎教堂，
唔應該可以比遊客亂咁影，
D人直程係用埋腳架去影D遺體！
遊客有病！教堂既人都有病！>.<

之後我同Alice又周圍去食同睇野，
坐下火車行下街，
夜媽媽仲去左間出多整Home made雪糕
既鋪頭買ice-cream！
坐係一間Museum出面既噴泉廣場邊食邊傾計！
好開心呀！又浪漫wor...
傾傾下先知原來我同佢係同一間中學gar!!!
原來係師姐！^^haha...勁攪笑！
佢早我幾屆，做左呢行四年幾啦！
佢仲同我分享左好多呢行既經驗tim ar!
我地乜都傾一餐，真係好開心！

除左training既同學仔，
我諗佢係我入左呢間公司之後，
第一個真係會用心去想同佢contact既人，
我同佢真係住得好近！一個灣仔，一個銅鑼灣！
真係好好好開心...

臨走前一晚，我同佢去一齊去左
間露天餐廳食Dinner，
有人係度邊彈邊唱...慢歌同輕快都有，
好Romantic，如果係一對情侶可以
咁樣係度食Dinner，簡直就perfect...
我地都希望他朝有機會係咁...
而家...攬住對方先啦！
^^haha...

我仲去左許願池許願呀！
個願望就係...(secret~^3^)
個許願池好靚gar!
好彩唔算多人，
都影左唔少相ar~
同"畄上雲霄"影既差唔多啦！
(記得我臨上機之前既下晝都去左唱Lunch K，
唱"我不愛你"，特登想feel下羅馬既景先.."

雖然只係留左兩日，
但Alice已經帶我行左好多
要去既聖地，真係好彩有佢咋！
我仲買左件大褸(Euro 50)送比呀妹呀！
意大利既褸款同料，仲有cutting都好靚，
呀妹超級鐘意件褸呀！^^haha...勁開心！
我自己反而冇買野！自己食同玩就捨得...^^haha

夜晚雠有同Alice一齊行Rome出名既
"名店街"，
"Dior"係我最鐘意既牌子！最鐘意佢條粉紅色line！
"Prada"，"Gucci"，"LV"...我就麻麻...
但當然我冇買任何野啦！
有時拎件衫出黎睇要成幾萬蚊，
我真係忍唔住笑左出黎..^^haha
點解可以貴到咁既..?
著左會飛咩?!
或者可能好似Emily話我知LV咁，
可以防火呢...
即刻想叫D同事燒下佢個LV袋，
睇下係唔係真!!^^heehee...

第二朝飛返HK，
只係10個鐘jar!!!Yeah~~~
今次去同返都好順利，
冇乜遇到Turbulance，
Thx God！

PS:今次既羅馬之旅，
真係好開心呀！睇野食野買野都好正！
但我覺得最開心係識到呢個好心地既師姐！