一年零8個月~我同你一齊左一年零8個月啦~我忽然.....發現一切都變左質啦~雖然表面上我地依然好好~但係"金玉其外~敗絮其中"又有冇人知呢???

我以為嗌交之後一切會變得更好~我地既關係會更進一步~不過~我錯啦~我地既感情並冇成長到呀~相反~向後退左一大步呀~我愈黎愈害怕同你相處~好耐都冇同你傾電話啦~唔係因為d咩....只係兩個人拎個電話~好似好近咁.....但係~我地已經相隔左一萬八千里啦~相對無言~你有你做你既野~我有我忙我既事~我好厭咁樣啦~我已經唔知點做好啦~

我知你都覺得同我一齊係辛苦架~你自己親口同我講架~0個時我真係覺得好難受~你係第一個咁樣同我講既男仔~0個一刻....我覺得你好唔識得珍惜我呀~我更加唔知自己點樣令你辛苦~我唔想同你嗌交~我亦都唔係話要掘返以前d野出黎講~我明白各人既立場根本唔一樣~但係我認為......夠啦~真係夠啦.......我唔想再咁樣落去啦.....

0係呢大半年入面~你同我都改變左好多~究竟係我地既感情經唔起考驗定係我真係令你太辛苦呢???點解我地兩個人都0係到好似受罪咁對住對方呢???問題係出0係邊到呢???唔好話比我知〝行得耐左就係咁架啦〞~行得耐但係兩個人都依然相處得好好既人大有人在呀~點解人地可以做到而我地唔得呀???唔通我咁樣既要求......太高???

唔知由幾時開始~當我唔開心又或者想搵人傾下計既時候~你總係唔得閒又或者冇心聽我講野......我開始唔再同你分享我既快樂同悲傷~久而久之~我咩都唔再話比你知啦~我自己去面對問題~去解決問題~獨立左~成長左~亦唔再依賴你啦~而你呢???你有冇成長到呀???或者係有既......同你一齊左咁耐......我覺得你一d都改變到wor~某程度上可能係一件好事~但係.....你有冇唸過呀~咁樣又代表係個人根本冇進步過呀~你就只會知道我令你辛苦~咁你令我辛苦架既時候呢???你有冇唸過呀???辛苦既人係咪淨係得你一個呀???

呢一大段既說話我收埋0係個心到都幾耐下啦~我一路都冇同你講~你知唔知點解呀???因為我知道你根本唔會聽我講~即使聽左.....咪左耳入右耳出囉~你從來都唔會將我既說話放0係心到~你呢份人真係好固執~好硬頸~玩對你黎講比任何野都重要~太小朋友啦.....成長啦~我由一開始就同你講過〝我想要一個照顧到我既人〞你話過你會係架~結果呢???大家都好清楚啦~邊個照顧邊個呀???邊個幫邊個呀???你寧願陪朋友都唔會陪我~同我講話出街買小小野~結果就同左d fd去睇戲~你令我覺得好冇安全感呀~好似成日呃我咁~係我對你冇信心定係你比唔到信心我呀???我唔知~我真係唔知呀~夠了…..真的夠了………….