「如果有個男仔好過你而家個男朋友~而你又中意佢wor~咁點好呀???」尋晚~聽電台0個時~有個女仔咁樣問個DJ~

「唔~如果係我呢~我就會選更好0個個囉~人係應該不斷咁進步架嘛~而且~選擇一個對自己更好既人都冇咩錯ja~你有權去選擇架嘛~」我都好贊成個DJ講既野呀~既然有咁既資格~仲咩唔選個好d架呢???

講就話咁易~但係要做都幾難架~你估飛人0個個都好好受架咩???除非係存心玩人啦~如果唔係.....任何一方都唔會好受~選個好d既令自己幸福d就固然之好啦~但係.....要傷害一個自己曾經中意過既人.....係好難架~

每一段感情既開始都係十分美好既~咁當然結束0個時就一定係殘缺不全啦~用一個同你0岩0岩墮入愛河既人~同你一個已經冇咩感覺既男仔比....就梗係冇得比啦~你覺得...咁樣算唔算係貪新忘舊呀???我覺得....一半一半啦~當愛情要黎既時候~點擋都擋唔住~同樣地~當愛情要離開既時候~亦一樣要留都留唔住架.......呢d大道理係人都識講~但係......當你身歷其中既時候~你又可唔可以咁清楚咁分析得到點樣做呢???你又會唔會點樣取捨呢???