2007-03-29 02:57:38霜
choice
人生中有好多選擇,0係冇辦法全部擁有ge時候,唯有揀自己最想要0個樣,不過即使比你要哂,有時都未必有一件好事。
我一直都覺得自己屬於比較幸運ge人,至少我揀人多過人揀我吖,可能係3分努力,7分運氣掛,以讀書為例吖,除左中3留班0個年之外,我都不過不失,衰過一次就知死啦,即刻搏命讀,所以高中畢業都係我揀大學,而唔係大學揀我。至於朋友,冇話邊個揀邊個ge,呢d係相對,我當你係朋友,都要你當返我係朋友先得ge。家庭方面,正如大家所知,我有兩頭住家,一個係我由細住到大ge舅母屋企,另一個係我父母ge屋企,兩邊都會煮飯,由我揀0係邊到食,又或者兩邊都唔揀,出街食。最後係男朋友,可能係我揀佢地,又可能係佢地揀我,有時d野係咁ga啦,你揀人之餘,其實人地都揀緊你,不過冇所謂,我覺得我揀你,而你又揀我ge話,係一種緣份,所以都應該好好紀念。
近這半年,發生0左好多事,好多唔到我揀ge事,我頓時覺得好不安,當一切都唔在你控制之下,原來係可以咁恐怖,0係徬徨同驚慌當中,我學識0左另一樣野叫取捨,係你教識我ge,每件事都有輕重,而且當事情發展到無可收拾ge地步,只好作出某種選擇,令傷害減到最低,讓步同後退未必係失敗者ge行為,有時反而更為英勇,的確,那個晚上,你比我理智,不過到0左而家我都唔認為我會後悔。
我唔會做我後悔ge選擇,我亦從未後悔過,因為我認為我揀ge就係最好ge選擇,相信自己應該都係一個正確ge選擇吧?
挺你~!
就係欣賞你有格!!