口矣~俾人話我懶~唔寫日記
唯有..寫下喇-0-

****************************************************

講番工先~~我諗都快轉工嫁啦
因為一年合約都差唔多到期..
做得咁差..仲簽我既話..真係去還神啦~haha

真係...日日新鮮................-__-|||

努力做埋呢兩三個月喇..

****************************************************

都係講番打波好~~

e+都係繼續跟港隊一齊練波...但係又唔係港隊喎...
不過響練波當中...都已經覺得自己同佢地仲差一段距離...
講技術..比我識得多..
講穩定..比我穩定得多..
講分數..比我高得多..
一路都以入隊為目標...到e+有個大好機會..卻感覺黎得太快...
每次練波..都有d驚..有d壓力..
驚係驚自己做唔到佢地既要求..會俾人踢走...白白斷送呢個黃金機會..
壓力係同佢地練波...感覺自己唔屬於呢個level..唔知佢地點睇你..唔知教練點睇你..

我唔會俾個機會白白流走~
我唔要令自己留低任何遺憾~
我要...追上佢地！！！

Ｉ　ｒｅａｌｌｙ　ｌｏｖｅ　ＢＯＷＬＩＮＧ～！

***************************************************

再講打波~

首先係每星期二既自己友聯賽,暫時都係肥仔SAM排頭...我就第二..AUMAN第三~
練波之餘~又打下比賽聯誼下~~幾好~haha
不過都係希望大家可以響練波既同時都鍛鍊到自己既技術,比賽既心理質素~
響比賽當中...一球就係一球...差一分就係輸..唔同練波...呢一球做唔到第二球再試囉咁...要盡量做到每一球都不容有失~~你打到一球幾靚既全中都好..第二球keep唔到既話都係冇用..

到星期日新星聯賽..
雖然係死左~不過就慢慢響比賽吸收經驗~~除左自己套form之外..對唔同lane condition既反應..搵線打..都了解左好多啦
最重要都係心理質素~~打得幾差都好..沉著應戰好重要..響某d時候..坐低..冷靜一下..再諗清楚自己要做既野..會好好多..如果唔係只會泥足深陷..

今週係最後一週拎波既機會啦!!!要打好d先得~~~~~~~~!!!
我要拎波呀～～～～！哈哈～～

****************************************************

仲有就係今日去左睇死亡筆記~~原本諗住睇第二套嫁..不過d時間又唔岩喎...
咁響無得選擇之下...就揀左呢套啦...點知睇完俾人埋怨~___~|||

不過成套戲都比較平淡...冇乜特別...可能我睇左漫畫既關係喇..
感覺成套都冇乜高潮位囉...氣氛一d都唔緊張既..仲悶悶地tim..-,-

可能睇"魔蟲入口"仲好d~~起碼見到d蟲都有得驚下丫~哈哈

****************************************************