自從我冇讀書之後，我一直響肯德基做野，好多人都會覺得好奇怪點解我仲要留響一個咁cheap既地方。當其他人問我幾時會升職時,我都會話就快啦,等下添啦!結果我由二月等到而家五月,終於都到啦!聽日我會上寫字樓簽合約,之後我就會正式成為北角明遠西街分店的見習經理。
當然啦,升職我一定會覺得好開心,但我始終都擔心自己勝任唔泥,慢一自己做錯咩事,我就會辜負嘉儀對我既一番裁培,所以去到新舖,我一定會比心機學野,將嘉儀同其他經理教我既野發揮出泥,然後再把握機會升職!

我之前都講過,我響港運城都做左一年有多啦,所以對間舖同d同事唔多唔少都有一定既感情。依一兩日,由於大家都知道我就快走,所以都買左好多禮物比我,好似菊姐送左一大堆Doraemon精品比我,有銀包,文具,電腦套等等;呀Bee就送左一隻日本出產既海藻比我,個名叫Marimo,聽講話會帶比人好運;嘉儀就送左一部casio既calculator比我,佢話驚我去到果邊,冇計算機比我計數喎,佢仲特登買左支L'oreal既染髮劑比我,叫我染番黑個頭先好上office,費事我比人「省」;呀Ray就送左一個我唔多願接受既擁抱比我,雖然係強迫地,但我都能夠感受到佢唔捨得我既心情;至於Kelvin就冒住比嘉儀鬧既危險,表演一個用火機燒手指既魔術比我睇，希望我第時仲有機會睇佢表現新魔術啦！
由於今日係我同呀Ray既last day,所以嘉儀專登叫左兩個大pizza幫我地farewell,雖然當時我好飽,但亦都好比面咁食左兩塊!
另外佢地仲買左張卡送比我,張卡到寫左一句說話「成功既往往唔係跑得最快果個,而係堅持到最後果個」,我希望依句說話會永永遠遠咁留響我個心入面,希望佢能夠成為我比心機做野既原動力。