2012-06-25 11:52:24小小蜥蜴
婚禮回顧之註冊篇
在澳門結婚的新人，通常註冊同擺酒都係分開兩日的。因為民事登記局既辦工時間係星期一至五，擺酒就揀星期六，日。我地半年之期已排緊期，在2012年3月16日(星期五)正式簽紙，跟住之後戈日擺酒。
我同老公都有邀請親人來觀禮。老公戈邊有佢媽媽，家姐，仲有遠道從澳洲返黎參加我地婚禮既孺姨，uncle，而我戈邊有細佬，弟婦，主要係幫我地渣機影相。好在有佢地，先至有咁多值得留念既相咋。
啱啱入到等待室唔算多人，但等下等下就好多人，差唔多坐滿晒。
個官開始宣讀誓詞，我地有好留心咁聽。
細佬就圍住成張枱走來走去，為左爭取最好的拍攝角度，真係唔話得。
接著是交換戒指。。。YES, I do
揮筆一簽，以後你就是我的人。
我也是你的人。
被宣佈我地係法律上承認既夫妻。
禮成後，我地仲耽閣左個官少少時間，同佢一齊影左張合照。
好在我帶左部LX3黎，室內角度夠晒wide。
上一篇：婚禮回顧之上頭夜篇
下一篇：婚禮回顧之成長MV篇