日復日既工作, 已經冇哂動力去做..

䒷頭累積左不少於7疊作文,2疊journal, 4疊worksheets, 全部已經好似城牆一樣將汀同外面既世界隔絕。

係呢間學校裡面, 學到既係唔好理人地既事, 人地擺明踩你都要扮冇野, 仲要保持微笑, 正因為你係全學校最低層既人(甚至乎係低過d 校工), 所有人都有權向你發脾氣, 所有問題都係因為你而出現, 最慘既係俾你教既學生, 都可能因為你而食左好多死貓.

汀教既其中一班係二甲乙(係floating class, 即要去人地課室上堂~), 呢班集合左全中二最唔掂, 品行最差既人, 記得岩岩知道要教呢班極品既時候, 汀問其他老師呢班既特性, 佢答左一個字「差」, 咁有冇人可以谷到, 讀下書咁, 佢都係一個字「冇」...一班全校眼中灰到極點既學生, 經常被中五及中三既學生投訴, 話佢地搞亂人地課室, 仲要係次次用完都係咁complaint, 又話d 書包俾人掉左去垃圾桶, 又話佢地係課室食野留低垃圾

奇就奇在汀每次都係最後一個離開課室既, 汀從來都冇見過有書包係垃圾桶入面或者附近, 亦從冇見過佢地食野 (可能佢地真係勁到連食野都收埋啦..不過講真佢地完全唔驚汀既, 又點會收埋食野咁委屈自己呀..)

講真句, 如果汀係學生, 見到班主任問點解課室有食物膠袋, 點解個書包係垃圾桶, 汀都唔會講話係自己做啦, 難得有人賴就梗賴啦....我問過其他老師, 佢地話o個兩班人次次都係問完邊個老師上堂先話要投訴, 咁即係擺明針汀啦...針汀冇所謂, 最慘係班二甲乙本來已經好自卑, 而家俾人話多幾話就即刻跌落谷低咁..

有時都會覺得, 係唔係汀累左佢地呢, 如果汀係訓導主任又會唔會好d 呢...

呀..差d 唔記得, 我地學校既訓導主任只會同學生出去食飯同唱k, 有問題係唔會理既.....