今日呀!!!! 未同佢見到面之前好唔開心呀!!!! 激死我啦!!!如果唔係睇在今日count down, 我都唔會出黎呀! 啍! 激死我!!!!

見到面…氣氛都唔係太好,因為我實在好嬲!!!!!! 重攪到無得去食澳門茶餐廳, 哎呀!!!!! 無得食脆脆豬扒包同埋葡撻!!!

今日我地去睇Leon的情義我心知! 雖然無聊,但係都幾好笑! 真係想像唔到Leon呢個傻樣,hahaha!!!! 不過最後個ending唔好,做乜要係sad ending架!!!! 睇完五點鐘,我地去之前已經決定左去o既板前壽司食飯! (yeah! 又係sushi!如果我男朋友唔鍾意食壽司,魚生,無人陪我去食的話,我簡直係生不如死!!!) 途中,佢話我會唔會想去另一間在海運的Paper Rice? 我問佢點解咁問,佢話之前我地行街經過,我曾經講過話呢間餐廳氣氛好浪漫同埋裝修好靚!! (算佢有將我講過o既野放o係心啦…啍..)

壽司與Paper Rice的選擇…心大心細,最終我都係想去食壽司多d! …啊…sushi …sushi…我最愛的sushi!~

去到5:30pm,已經有人等位! 我發覺呢間板前無時無刻都有人等位架喎!非繁忙時間都要等,只係唔駛等咁耐o即! 不過無法子啦, 為左我最愛的壽司,等幾耐我都會等!!!! 結果等左半個鐘! 有位啦!!! 今日試左爆爆上次介紹的牛乳湯! 好味啊..重好香tim! 我又叫左上一次食過的燒玉子! 好味! 當然唔少得三文魚啦!! Wa!! EXCELLENT!!!!! (一路打一路流口水…kekekekekeke)

我地後黎決定去apm 度Count Down! 因為尖沙咀實在太多人啦!! 去到apm,準備倒數時,竟然俾我撞到一個唔想見到o既人,錯! 係一對唔想見到o既人! 阿儀,呢個世界真係細架o即,咁都俾我撞到佢地呀!! 一諗起女o個個以前幾串,幾show off,好憎佢呀!! 男o個個都唔好得去邊! 尤其是把口同埋佢勁 “偎鎖”! 佢地2個簡直係絕配!當時我無叫佢地,梗係啦,唔好影響我count down的心情!!

2005年其實都不過不失,有開心,亦都有唔開心!我都唔知應該點形容好! 但anyway,我只係想2006年,每一日都開開心心就夠啦!!!! 我唔想遇到d對我唔好o既人,我唔想面對一d唔開心o既野….更加唔想見番o個個我睇佢唔起o既衰人! 另外,公司唔好再有咁多“閒人”同會暗裏害人的不良份子! 唔好諗住蝦我! 總之,邊個對我好,邊個對我唔好,我好清楚! 好簡單,佢對我假,我又對佢假! 我可以o係度生存3年,我有我做人的一套方式!

呢個世界真係好殘酷! D 人奸到死! 唉…