今晚同佢去銅鑼灣食飯! 哈哈!世貿其間,我竟然出現o係銅鑼灣,o個度有人遊行!hhaa!!~

佢提議話去Time Square食翡翠小籠包食上海菜! (我都估到佢跟住會帶我去邊啦!~) 我地埋單o個時竟然撞到李先生…! Oh!~ 真是冤家路窄! 俾佢見到我地2個拍拖!!!! 不過佢都無乜野….都隔左咁耐啦! 我覺得佢應該無野..!

跟住食完飯,佢帶我去CitySuper睇o個個公仔暖袋! 佢噚日打俾我,話見到有好多好得意o既公仔暖袋,可以將o個包野放入微波爐度叮一陣,再放入個公仔裏面,攬住佢訓,咁我就唔會凍! 算你啦!~嘻嘻! 我地去到原來只係剩番一啡色bear bear同埋藍色狗狗! 本來有一隻粉紅色o既豬仔架 (爆爆..你諗起邊個呀?keke) ! 但己經賣哂! 佢估我一定鍾意粉紅豬仔多d,於是叫個sales 哥哥check下其他分店重有無貨!sales哥哥話要聽日先知! 本來以為佢就咁落左order就算! 但佢都買藍色Bear俾我! 我問佢點解? 佢講左一句: “如果粉紅豬仔真係有貨,我買多一個俾你啦! 而家買左呢個bear先,起碼你今晚有得用,同埋如豬仔真係無貨, 一旦連呢個bear都無埋,咁你咪無得用囉?” 十分欣賞佢呢一句! 發覺佢細心左!

佢會諗定:如果無貨,再黎買時連bear都賣哂,咁我就無得用! 好多人只會係落左order,有就有!無都無辦法! 但佢好細心,怕到時邊一款都缺貨,我訓覺就會好凍! 同埋,覺得佢細心係因為…唔係好多男仔知道女仔血氣唔夠,所以成日手凍腳凍!即使知道,亦都無動於衷! 咁佢能夠意識到,重會有action!~其實佢都算對我好好!~ ^v^

多謝佢呢份咁貼心的禮物!~ (^~^)