今日星期六,要返半日!準時12點收工同Nikita佢地一齊搭巴士入屯門!今日o既節目係去阿Ming屋企BBQ!~ 入到去我地先去酒樓飲茶!我地7個人坐o係廚房門口位置, D酒樓阿姐拎左好多次 “蛋散”行過, 我地想叫,於是阿姐一出黎,我地就叫 “蛋散..蛋散..” hahah!~ 阿姐當然無啋我地啦! 叫人蛋散..hahaha!~

跟住我地就坐的士入去 “茵翠豪庭”! WA~ 好靚呀!有點似 “碧桂園feel”!~ 係一個私人屋苑,3層高, 類似村屋咁! 地下有花園! 好靚呀!~ 阿Ming住三樓連天台! 一入門口,係一條樓梯,佢地裝修得好靚…好有泰國feel! d擺設好靚, 尤其是吊燈!真係好靚! 我地成班嘩鬼入到去已經wewa鬼叫! 因為真係好靚! d設計好有taste!~ 跟住我地參觀埋天台,佢整左個玻璃屋,這是我夢寐以求的玻璃屋啊…! 另一邊係露天的! 我地今晚就係o係度BBQ啦

我地傾下偈,飲下野都已經6pm了!好野…BBQ Time!~ YOO! ^o^

今日Total 有14個人, 有D打邊爐, 有D燒野食!唔駛問我梗係坐燒野食o個邊啦!哈哈! wa~~ 今日好多野食,比起上次每人限2隻雞亦,真係差得遠! 獅子狗魚卷, 雞亦, 栗子,粟米, 蕃薯…當然唔少得! wa~ 我地14個人食飽飽都重有剩呀!~ 真係開心! 阿Ming重煲埋腐竹蛋糖水俾我地! 真係開心!

食玩..玩完了…都已經十點幾,要返屋企了!~

嗯…好欣賞阿Ming間屋! 我都好想有間咁o既屋…兩公婆有個舒舒服服o既屋企! 好羨慕….o個一刻,的確有一種好想結婚的感覺!