係度停一停先, 講下呀霑叔.
我覺得佢係香港一個好好的人才, 識得廣告, 拍戲, 作詞, 寫小說, 絕大部分關於藝術的東西無一不通.無一不曉. 同埋我覺得佢係一個好識得執生既人, 好似做主持咁, 佢可以唔使點讀稿都可以點講, 拍戲做導演又可以教到一班人點樣做到好好, 做個廣告, 佢可以諗諗諗, 諗個口號好聽又易記, 最記得係關鍵個廣告.................哈哈.你可以睇得出佢係個鬼才囉.
但係佢突然間走左, 我覺得好似又無咩問題咁, 可能自己真係大了, 覺得既然個天要佢走,咁咪走囉. 覺得呢個世界根本就係咁架啦.只不過覺得香港又少了一個勁人囉.
我發覺香港宜家真係唔知點解, 愈來愈少霑叔呢類有咁多本領的人, 好多人都只會做死一個行業, 同埋學生的成績都不比上一代好..............點解?係唔係香港太物質化了.係唔係脫離香港會比較好呢?定係呢一代根本唔知上一代有幾艱辛才可以做到自己目標呢?所以有時會想想, 假如我地呢一代去返以前個年代, 基本上係唔係唔可以生存?我希望我會.
同埋佢走左, 我會更加珍惜我在今年年初睇佢個獅子山下演唱會, 估唔到佢個次係最後一次既演出, 當時佢講既野, 我個陣已發覺佢係唔係有咩問題, 因為無咩人會講"盡量開心盡量大聲笑..........."因為覺得自已就來走了,就會說開心既時候要開心下去囉.個陣我仲諗住黃霑幾時聽佢都得啦, 估唔到半年之後就..........
唉...........
p.s.希望林燕妮小姐唔好再講黃霑有幾差啦, 你好假呀!!!!!!!!