睇返上一篇三個月前打既note，發覺自己當時錯怪左袁志華先生，最後我發覺其實佢係一個天大既好人，一個對教學充滿熱誠、令學生獲既良多既老師... ... 好，廢話講到呢度。

一號，第一次好認真咁無原因地專登去睇一套舞台劇，《魔鬼契約》(浮士德的哀歌)，尖沙咀文化中心個場好大，接近滿座，但偏偏我坐o個行就幾乎無人，哈。香港話劇團既表演好出色，對白富文學色彩，劇情比到人好多反思。

到底人生追求既係咩呢？名譽、金錢、權力、愛情？我地其實係咪一直都鍾情緊七大罪？好多好多無答案既問題… … 但完左場後，最深刻既重有個度既冷氣好凍，好後悔無帶多件衫… …

二、三號，資訊日。近兩年既IDay，氣氛每況愈下，唔知係咪同多左新鮮人使用網上登記有關。兩日都留左o係Hysan 帶Hall tour，其中一個指定必遊之處係天台，帶住freshman行上天台睇日落，真係好靚好靚，然後發現，我住左o係度兩年，其實都無點上過天台睇風景，浪費晒。呢兩日令我留意返Hysan好多可愛既地方，不過今個星期尾就要搬走喇(下個sem exchange)，忽然間有d唔捨得，話晒係度住左兩年，有少少習慣左呢種生活。

四號，第一日好正式咁返另一個暑期實習，行業係地產。朝九晚六，好辛苦，有d唔慣，就當係比個機會自己接受考驗啦！

 八月，天氣熱到令人發顛，可能係咁，天氣都唔正常，成日落紅色、黑色暴雨。

開電視睇新聞，天災年年都有，但今年中國既水災好似特別厲害，係氣候變化影響抑或係水利工程問題？無答案既問題... ... 有既，只係一堆堆傷亡數字，看得多了，會讓人麻木，生命，在災難面前，只剩下一個個冷冰冰的數字，其他的，都沒有了... ...

十四日，從住了兩年的Hysan 搬回家，確實有點不捨。不捨得的，還有很多。但我會回來的 =]