28。06。2004

p.m.1:00~2:00
同小利去市中心食lunch

p.m.2:00~8:00　
搭車出荃灣。搵Cash/Yourgi/Mr.red/Kankan
就搭的士上Cash屋企打麻雀，後來Echo/Bo/Fish都上左黎，
好熱鬧呀…(當時心情有點煩躁，o係到講聲對唔住)
我一家贏三家，呵呵…不過打好細je

p.m.8:00~11:00
我地八個人就起程落荃灣食飯喇，經過一番商量之後，
去左濠江食飯，食既野同我lunch食既一模一樣，哈哈哈…
食完飯八個人一齊去金禾打機。機舖好多人呀…
Popmusic我終於都可以玩到其他五星喇，
唔使剩係玩muscle同三一萬能俠咁悶嘛^^希望玩到六星啦！

p.m.11:00~6:30
打完機就搭58m入建生仙桃源搵小利佢地喇，
因為聽日係倩雯生日，大家去唱ｋ幫佢慶祝呀！
有小利/倩雯/阿海/gap明/阿傑/阿程/小肥/阿范/阿珊/阿君…^^
十二點幾唱到朝早五點幾…出街出左十八個鐘…
打麻雀，打機，唱ｋ都要用神…疲勞轟炸呢

唱歌唱到有ｄ喉沙…哈…千嬅既煉金術真係掂呀，好好唱！
唱ｋ之餘，同佢地玩骰鐘啦，輸左咪飲囉＝.＝
宜家都唔係完全識玩大話骰，覺得自己好白痴添…
又勁叫小利同我玩粗口枚，哈哈哈…好搞笑呀^^
後尾見到仲剩左咁多酒，就對左兩罐…
不得了不得了，有ｄ暈添…要收手了…
最後小利送我返屋企啦！六點幾返到屋企就撻上張床到訓lu
哈哈哈…好鬼死懶，起身既時候已經係三點幾，即時沖返個靚涼啦！

(阿程唱歌真係幾似鄭中基，哈哈，笑鬼死呀！
又同阿海拖住手搭住膊頭唱我們的紀念冊，哈哈
我覺得同佢都幾夾丫，可能年紀相約啦～
umum…希望佢冇事啦…）今日好開心^^