今日係洪生既生日呀～happy bithday XD

heehee，約左今日十一點半去唱k，
我都預左自己實遲硬架喇，因為尋日好支力嘛，
所以十點幾先起身，起左身又要做下家務咁，
一點到先出到荃灣去neway會合佢地，得我/洪生/kankan/cash咋，
嘉儀就仲訓緊教，issac就遲遲都未黎…有冇搞錯先…最後就黎都冇黎
我唱左幾首歌咋，有好多新歌都未唱過，唔夠喉添，
不過都係自己遲去，下次再唱過啦！遲左都要去既，俾面洪生嘛^^

唱完k兩點幾，會合埋issac/echo/yourgi/shita
一齊搭車去黃金海岸曬太陽同游水喇~正呀！
去之前就梗係食返杯雪糕先啦，士多啤梨味雪糕好好味呀！^0^
shita仲帶埋佢隻兔兔黎，好得意呀！呵呵

得我同issac游水咋~佢地個個都冇帶泳衣…落唔到水
我好耐冇試過o係海灘游水喇，對上o個次應該八、九年前既事喇
大熱天時游水真係好正，涼浸浸^^，個浪打埋黎真係好好feel～
下次要玩埋浮床先得～訓o係上面o係水到飄飄下咁~好好玩！
上返水一邊聽歌一邊曬下太陽咁，勁正，真係可以訓得著呀！
得閒又食下西瓜，飲下野咁，真係一流，哈哈哈
哩個夏天要去多ｄ沙灘先得，我想曬黑ｄ呀！要曬靚ｄ^^
不過千祈唔好好似賓妹咁黑…我接受唔到…keekee

六點幾沖涼換返衫走人，因為今日預早食父親節飯呀
咁我就搭k51返市中心啦，食壽司～食完爸爸話返屋企先，
咁我地四條女就行下街街喇！呵呵呵，好野，o係b+ab & 2%買左衫
又有新衫著！b+ab件衫好鬼施文架，好o岩grad din著，
不過都過左去啦…算數吧啦！哈哈^^買完衫搭車返屋企lu
"/我對對鞋都爛晒，我要買鞋呀!!!!!!!!!

P.S.呵呵，今日曬左陣以為冇黑到，返到屋企照下鏡先知道
真係有ｄ成果！黑左少少，hee～幾好幾好！keep住去曬太陽先^^